Толькі на жодзінскім прадпрыемстве выраблена каля 100 тысяч адзінак школьнага адзення. Швейныя вырабы ўжо паступілі ў гандлёвыя сеткі. Улічваўся запыт пакупнікоў. Сёлета прадпрыемствам створана 25 мадэляў адзення для школьнікаў: гэта камізэлькі для хлопчыкаў і дзяўчынак, а таксама сукенкі і сарафаны, паведамілі ў канцэрне.
Па словах Таццяны Ташновай, маркетолага прадпрыемства па выпуску трыкатажных вырабаў, спажыўцы аддаюць перавагу камізэлькам:
— Мы іх выпусцілі сёлета прыблізна 7 тысяч адзінак. Калі школы заказваюць камізэлькі, яны могуць папрасіць вырабіць які-небудзь шаўрон.
