Сёння, калі да Дня ведаў засталося ўсяго некалькі дзён, нагадаем асноўныя навацыі. Адразу адзначым, што якіх-небудзь маштабных змен не адбылося, аднак некаторыя важныя аспекты падвергліся карэкціроўцы. Нязменнай засталася і асноўная мэта абноўленага кодэкса — павышэнне якасці адукацыі.

• Навучэнцы X—XІ класаў сярэдніх школ, размешчаных у пасёлках гарадскога тыпу, сельскіх населеных пунктах, а таксама спецыялізаваных ліцэяў, Мінскага сувораўскага ваеннага вучылішча і кадэцкіх вучылішчаў змогуць атрымаць вадзіцельскае пасведчанне.

• Вучні ХІ класаў могуць вызваляцца ад выніковых іспытаў па медыцынскіх паказаннях. Пералік захворванняў вызначаецца Міністэрствам аховы здароўя, а іншыя падставы ўстанаўлівае Мінадукацыі.

• Калі навучэнец не прыйшоў на ЦЭ па ўважлівай прычыне, ён таксама зможа пераздаць экзамен у рэзервовы дзень.

• З 26 мая да 5 чэрвеня — вучэбна-палявыя зборы для ўсіх 10-класнікаў.

• Да прыняцця змяненняў 10-дзённыя зборы былі толькі ў кадэтаў і сувораўцаў.

• Прыёмныя бацькі і бацькі-выхавальнікі будуць уключаны ў лік педработнікаў.

• Анлайн-навучанне (дыстанцыйнае) на ўзроўні агульнай сярэдняй адукацыі не прадугледжана.

• Для вучняў X-XІ класаў уводзіцца новы навучальны прадмет — «Гісторыя Беларусі ў кантэксце сусветнай гісторыі»

• З 1 верасня індывідуальныя прадпрымальнікі не маюць права на рэалізацыю адукацыйнай праграмы дашкольнай адукацыі.

• Законныя прадстаўнікі дзяцей, якія жывуць у нашай краіне, абавязаны забяспечыць атрыманне агульнай сярэдняй адукацыі ў Беларусі.

• Інклюзіўная адукацыя. Дзецям, якія навучаюцца дома, дадаюцца гадзіны для вывучэння наступных прадметаў: «Выяўленчае мастацтва», «Асновы бяспекі жыццядзейнасці», «Мастацтва» і «Чарчэнне».

• Павялічваецца з двух да трох у тыдзень колькасць урокаў па прадмеце «Фізічная культура і здароўе».

• Выпускнікі, якія на цэнтралізаваным экзамене атрымалі 0 балаў, цяпер змогуць пераздаць яго ў жніўні.

Дзелавы стыль адзення школьнікаў

Пры наведванні вучэбных заняткаў навучэнцы, якія асвойваюць змест адукацыйных праграм агульнай сярэдняй адукацыі, абавязаны прытрымлівацца дзелавога стылю ў адзенні, за выключэннем выпадкаў, прадугледжаных санітарна-эпідэміялагічнымі патрабаваннямі.

З 1 верасня забаронена выкарыстанне мабільных тэлефонаў падчас навучальнага працэсу

Гэта значыць, што пры ўваходзе ў школу мабільнік давядзецца адключыць (або перавесці ў бясшумны рэжым) і пакінуць у спецыяльнай ячэйцы. Вярнуць гаджэт можна будзе толькі пасля ўрокаў. Гэтая забарона адносіцца і да смарт-гадзіннікаў.

Выключэнні:

— дазволяць насіць пры сабе мабільныя тэлефоны дзецям, якім патрабуецца маніторынг стану цукру ў крыві пры цукровым дыябеце і іншых медыцынскіх рэкамендацыях;

— можна будзе выкарыстоўваць для вучобы планшэты і электронныя кнігі пры наяўнасці медыцынскіх паказанняў, напрыклад пры парушэннях апорна-рухальнага апарату, калі нельга насіць цяжкі заплечнік з падручнікамі. Але гаджэт павінен быць без доступу ў інтэрнэт і мабільнай сувязі.

Захоўваюцца льготы пры праездзе транспартам агульнага карыстання

— у межах населеных пунктаў, дзе яны пражываюць, да ўстановы адукацыі і назад школьнымі аўтобусамі па маршруце іх руху пры адсутнасці аўтамабільных перавозак пасажыраў транспартам агульнага карыстання або немагчымасці забеспячэння такой перавозкі;

— да месцаў правядзення адукацыйных мерапрыемстваў, экскурсій, фізкультурна-аздараўленчых, спартыўна-масавых, спартыўных, культурных мерапрыемстваў і назад.

Сёння прадугледжаны падвоз навучэнцаў толькі ў сельскіх населеных пунктах да ўстаноў дашкольнай і агульнай сярэдняй, спецыяльнай адукацыі і назад пры пэўных умовах.