Тэмпературныя рэаліі другой паловы жніўня намякалі нам, што цёплая пара заканчваецца. А вось і не адгадалі. Ужо ў гэтыя выхадныя ў нашу краіну прыйдзе дастаткова шчыльная хваля трапічнай спякоты, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Прыемную камфортную цеплыню мы адчулі ўжо ў чацвер, а 29 жніўня паветра месцамі стане «плавіцца». Гэта адбываецца таму, што ўмовы надвор’я ў Беларусі 29 жніўня будзе вызначаць цёплая паветраная маса, якая паступае з паўднёвага захаду Еўропы. Пераменная воблачнасць, пераважна без ападкаў. Вецер паўднёвы ўмераны, днём парывісты. Тэмпература паветра ўначы складзе ад 11 °C па ўсходзе да 19 °C па захадзе краіны. Днём будзе 25–30 °С, па захадзе Беларусі паветра прагрэецца да 32 °С.

• Пераважна сонечнае надвор’е чакаецца і ў суботу. У гэты дзень у асноўным адаб’ецца ўплыў вобласці павышанага атмасфернага ціску, толькі днём па захадзе і паўночным захадзе краіны ўмовы надвор’я будзе вызначаць франтальны раздзел, які ссоўваецца з тэрыторыі Польшчы. Пераважна без ападкаў, толькі днём месцамі па захадзе і паўночным захадзе краіны пройдуць кароткачасовыя дажджы, магчымыя навальніцы. Ноччу і раніцай у асобных раёнах слабы туман. Вецер паўднёвай чвэрці ўмераны, днём месцамі парывісты. Тэмпература паветра ўначы павысіцца да 11–18 °C, а днём будзе дасягаць 23–29 °C, па паўднёвым усходзе і поўдні краіны — да 32 °C.

У апошні дзень лета будзе таксама горача. У гэты дзень надвор’е працягне вызначаць франтальны раздзел, які будзе павольна зрушвацца ва ўсходнім напрамку. Воблачна з праясненнямі. Месцамі чакаюцца кароткачасовыя дажджы і навальніцы. Ноччу і раніцай у асобных раёнах слабы туман. Вецер паўднёвы з пераходам на заходні ўмераны, пры навальніцах парывісты. Тэмпература паветра ўначы складзе ад 11°C да 18 °C, а днём паветра прагрэецца да 20–27 °C, па паўднёвым усходзе — да 31 °C.

Сяргей КУРКАЧ