— З гэтай задачай мы справіліся на даступных участках, — канстатаваў у інтэрв’ю «Першаму інфармацыйнаму тэлеканалу» начальнік упраўлення вытворчасці і рэалізацыі прадукцыі Мінлясгаса Андрэй Мацкевіч

Кіраўнік структурнага падраздзялення Мінлясгаса падкрэсліў: складваць драўніну на ўзлесках лясгасы ў многіх выпадках прымусіла спецыфіка тэхналогіі нарыхтоўкі бураломнай драўніны і адсутнасць іншых свабодных месцаў складавання. Каб паскорыць вывазку складоў, гэтая драўніна рэалізоўвалася ў першачарговым парадку.

— У асноўным, гэтая праблема закранула Гомельскую і Магілёўскую вобласці, якія найбольш моцна пацярпелі ў выніку ўтварэння ветравалаў і бураломаў, — распавёў Андрэй Мацкевіч.

Начальнік упраўлення таксама дадаў, што па даручэнні міністра лясной гаспадаркі да 10 верасня будзе завершана даачыстка прыбраных раней складоў.