Авен. Абставіны гэтага тыдня складуцца для вас найлепшым чынам. Нават мэты, якія, як здавалася, няма магчымасці ажыццявіць, цяпер могуць рэалізавацца. Жыць ва ўмовах шматзадачнасці нялёгка, але менавіта так вы ствараеце сваю шчаслівую будучыню. Бліжэй да выхадных атрымаеце магчымасць расслабіцца.
Цялец. На тыдні, магчыма, прыйдзецца даўжэй чакаць адказ на нейкае пытанне. Гэту паўзу ўспрыміце са станоўчага боку, бо вы атрымліваеце час для дадатковага разважання. Прааналізуйце мэты, якія паставілі перад сабой.
Блізняты. Падзеі прымусяць вас абараняць заваяваны раней поспех. Хто б на яго ні паквапіўся, не губляйце звыклай упэўненасці ў сваіх сілах. Ужо да сярэдзіны тыдня стане зразумела, што гэта быў важны ўрок.
Рак. Вы будзеце назіраць за трансфармацыяй адносін з кімсьці з блізкіх. Сітуацыя не выключае два варыянты развіцця падзей: або былы апанент прапануе вам сесці за стол перагавораў, і ў такім выпадку неабходна актыўна выкарыстоўваць гэты момант; або да вас прыйдзе разуменне, што ў святле апошніх падзей адносіны цалкам сябе вычарпалі.
Леў. Не спрабуйце навешваць на навакольных ярлыкі. Той, чые словы вас закранулі, ужо праз кароткі час можа аказаць каштоўную паслугу. Будзьце па-філасофску мудрыя і гуманныя. Другая палова тыдня будзе складацца з абнадзейлівых навін і прыемных момантаў.
Дзева. На гэтым тыдні выдатна справіцеся з любымі справамі і не сустрэнеце на сваім шляху перашкод. Расходуйце энергетычны патэнцыял разумна, не забываючы аб паўнавартасным адпачынку. Станоўчая дынаміка тыдня распаўсюдзіцца і на асабістае жыццё.
Шалі. Ваш непасрэдны ўдзел можа спатрэбіцца ў многіх справах. Не цісніце на тых, з кім даводзіцца ўзаемадзейнічаць, нават калі яны, на вашу думку, не арыентуюцца ў тым, што адбываецца. Няхай цяпер вы не можаце прыйсці да агульнага меркавання, але варта толькі захацець — і сітуацыя хутка зменіцца да лепшага. Не дзяліцеся са староннімі сваімі поспехамі.
Скарпіён. На гэтым тыдні атрымаеце надзею на лепшае ў матэрыяльных справах. Асцярожнасць — жыццёвае крэда нумар адзін, нават калі ў шэрагу туманных пытанняў з’явіцца яснасць. Пазбягайце паўнамёкаў падчас асабістых размоў. Чым ясней выкладзіце галоўную думку, тым вышэй шанц, што яна атрымае падтрымку. Другую палову тыдня рэкамендуецца прысвяціць адпачынку ў максімальна расслабленай абстаноўцы.
Стралец. Вам давядзецца пераасэнсоўваць паўсядзённае жыццё. Верагодна, прыйдзецца зрабіць упор не на матэрыяльныя справы, а на самапазнанне. Каб глыбей зразумець тое, што адбываецца ва ўласных думках, неабавязкова станавіцца псіхолагам. Галоўнае — адказаць сабе на пытанні: чаго вы хочаце ад жыцця і як дасягнуць гэтай мэты?
Вадаліў. Не ўмешвайцеся ў падзеі пачатку тыдня, калі адчуваеце, што да канца не разумееце сутнасці таго, што адбываецца. Адхіліцца будзе нялёгка, аднак з-за дрэннай інфармаванасці вы можаце прыняць цалкам няправільнае рашэнне. А гэта ў выніку створыць новыя праблемы як для вас, так і для вашых блізкіх.
Рыбы. Тыдзень спрыяльны для рознага роду гаспадарчых спраў. Таксама варта злёгку перагледзець матэрыяльны аспект, напрыклад, аптымізаваўшы свае выдаткі. Трэба арыентавацца толькі на тое, што адбываецца ва ўласным жыцці. Калі паспрабуеце ўмяшацца ў лёс кагосьці іншага, нічым добрым гэта не скончыцца.
