Тут патлумачылі, што сёлетні год стаў адпраўным пунктам у прамысловым супрацоўніцтве Беларусі і Уганды. Адбылася серыя сустрэч і перагавораў на ўзроўні кіраўніцтва Мінпрама па пытаннях арганізацыі супрацоўніцтва ў сферы паставак сельскагаспадарчай тэхнікі і прамысловай кааперацыі.

Дзяніс Бакей выказаў гатоўнасць Міністэрства прамысловасці да рэалізацыі раней дасягнутых дамоўленасцяў на доўгатэрміновую перспектыву.

Бакі абмеркавалі праект мемарандума аб узаемаразуменні паміж міністэрствамі, дзе адлюстраваны ўсе пытанні патэнцыяльнага супрацоўніцтва: ад продажаў сельскагаспадарчай тэхнікі да арганізацыі яе зборкі, сэрвіснага абслугоўвання, навучання спажыўцоў.

Угандыйскім бокам таксама выказана зацікаўленасць у прапанове для Беларусі вырабленай у краіне прадукцыі: кавы, гарбаты і садавіны.