Пленарнае пасяджэнне маладзёжнай канферэнцыі адбылося ў Музеі Славы Магілёўшчыны ў Буйнічах. Удзел у ім прынялі Старшыня Парламенцкага сходу Саюза Беларусі і Расіі, Старшыня Дзяржаўнай Думы Федэральнага сходу Расійскай Федэрацыі Вячаслаў ВАЛОДЗІН і намеснік Старшыні Парламенцкага сходу Саюза Беларусі і Расіі, Старшыня Палаты прадстаўнікоў Нацыянальнага сходу Рэспублікі Беларусь Ігар СЕРГЯЕНКА. Найперш удзельнікі форуму Саюзнай дзяржавы ўсклалі кветкі ў мемарыяльным комплексе «Буйніцкае поле».

Выступаючы на пленарным пасяджэнні, Ігар Сергяенка падкрэсліў, што неабходна аб’яднаць намаганні для недапушчэння рэабілітацыі нацызму. «Фальсіфікацыя гісторыі як кампанент інфармацыйнай вайны — сур’ёзная пагроза нацыянальнай бяспецы, — канстатаваў ён. — Мы бачым, як, выкарыстоўваючы самыя сучасныя тэхналогіі, нам спрабуюць навязаць абыякавасць да подзвігаў нашых продкаў, пачуццё віны, непаўнацэннасці ў адносінах да Захаду, тым самым распальваючы нацыяналізм, нянавісць да іншых народаў і русафобію. Для гэтага на Захадзе Савецкі Саюз абвінавачваюць у развязванні Другой сусветнай вайны, а ўсім, хто мае традыцыйныя гістарычныя і сямейныя погляды на Перамогу ў Еўропе, забараняюць святое для іх свята».

Спікер звярнуў увагу на тое, што апаганьванне абеліскаў, знос помнікаў савецкім салдатам, героям-антыфашыстам у суседніх краінах накіравана на знішчэнне памяці, пераможнага духу, веры, унутранага стрыжня. У процівагу ўсяму гэтаму — каштоўнасці, на якіх грунтуецца Саюзная дзяржава. 

«Братэрства, адзінства, згуртаванасць, імкненне самастойна вызначаць свой лёс, — канкрэтызаваў Ігар Сергяенка. — І ў гэтым сіла і праўда беларусаў і расіян, якіх немагчыма перамагчы зброяй, немагчыма перамагчы нічым. Таму вельмі важна з дапамогай такіх маштабных форумаў адстойваць агульную гістарычную праўду».

Старшыня Палаты прадстаўнікоў падкрэсліў, што святы абавязак пакаленняў, якія жывуць цяпер, — памятаць і ганарыцца подзвігамі дзядоў і прадзедаў, якія сталі на абарону Айчыны. «Іх подзвіг павінен быць часткай кожнай сямейнай гісторыі, што дапаможа ўмацаваць сувязь паміж пакаленнямі, асэнсаваць цану свабоды і забяспечыць мір», — адзначыў спікер.

Акрамя таго, гэтымі днямі ў Магілёве адбыўся ХVІІІ фестываль «Моладзь — за Саюзную дзяржаву», які прадэманстраваў унёсак моладзі і ў развіццё культурнага патэнцыялу інтэграцыйнага аб’яднання.

Паводле прэс-службы Палаты прадстаўнікоў.

Фота БелТА.