Такое рашэнне было прынята на 13-й чарговай сесіі Мінскага гарадскога Савета дэпутатаў.

Як адзначыў начальнік галоўнага фінансавага ўпраўлення Мінскага гарвыканкама Уладзімір ЖУКОВІЧ, той распрацаваны праект рашэння Мінскага гарсавета, што быў унесены на разгляд і зацвярджэнне Мінскага гарадскога Савета дэпутатаў, прадугледжвае змены асобных паказчыкаў бюджэту. «Агульны аб’ём даходаў гарадскога бюджэту на 2025 год прапанавалася павялічыць, што разам з існуючай эканоміяй па асобных напрамках расходаў дазваляе павялічыць асігнаванні па шэрагу галін», — дадаў ён. У прыватнасці, грошы будуць размеркаваны па тых галінах, якія гэтага патрабуюць у найбліжэйшы час, а менавіта ЖКГ, адукацыя і будаўніцтва.

На сесіі Мінскага гарсавета таксама былі ўнесены змены ў План дзеянняў па навядзенні парадку і добраўпарадкаванні тэрыторыі сталіцы.

Як адзначыў начальнік упраўлення гарадской гаспадаркі і энергетыкі Мінскага гарвыканкама Аляксандр РАКАЎШЧЫК, прадугледжваецца павелічэнне паказчыка «Рамонт спартыўных і дзіцячых гульнявых пляцовак на прыдамавых тэрыторыях». Акрамя таго, уносяцца дапаўненні ў такія раздзелы, як «Добраўпарадкаванне і рамонт жыллёвага фонду», «Утрыманне, рамонт і рэканструкцыя аб’ектаў зялёнай гаспадаркі», «Уладкаванне (рамонт) аўтамабільных (веласіпедных) парковак і стаянак», «Раздзельны збор другасных матэрыяльных рэсурсаў».

З’явіцца вуліца імя Дзмітрыя Федасюка

У адпаведнасці з рашэннем сесіі гарсавета прысвоена найменне састаўной частцы горада Мінска — праектуемай вуліцы № 35 на тэрыторыі аб’екта «Эксперыментальны шматфункцыянальны комплекс «Паўночны Бераг» — імя старшага лейтэнанта Дзмітрыя Федасюка.

31-гадовы баец спецпадраздзялення «Альфа» Камітэта дзяржаўнай бяспекі Беларусі загінуў падчас правядзення спецаперацыі па выяўленні магчымых датычных да тэрарыстычнай і экстрэмісцкай дзейнасці на тэрыторыі нашай краіны 28 верасня 

2021 года. У выніку стральбы, якую адкрыў жыхар кватэры на вул. Якубоўскага ў Мінску, Дзмітрый Федасюк быў смяротна паранены.

Яна ВАЛАСАЧ