Пагадненне з ЕАЭС Манголія заключыла на тэрмін тры гады з магчымасцю далейшага падаўжэння на трохгадовы перыяд па дамоўленасці бакоў.

Як растлумачыў дырэктар дэпартамента гандлёвай палітыкі ЕЭК Уладзімір Серпікаў, пагадненне з Манголіяй з’яўляецца часовым. Яно вядзе да стварэння зоны свабоднага гандлю з абмежаваным ахопам лібералізацыі:

— Там у нас было па 367 таварных субпазіцый з кожнага боку. Але ўлічваючы структуру гандлю з Манголіяй, гэта тарыфная лібералізацыя ў рамках часовага пагаднення пакрывае практычна ўвесь наш гандлёвы абарот. Мы туды пастаўляем традыцыйныя тавары: абсталяванне, транспартныя сродкі, прадукцыю хімічнай прамысловасці, касметыку, парфумерыю. У частцы аграпрамысловага комплексу гэта таксама нашы традыцыйныя віды тавараў: розныя віды мяса, малочная прадукцыя, марожанае, кандытарскія вырабы. Таму з Манголіяй у нас практычна ўвесь наш гандаль будзе ахоплены тарыфнай лібералізацыяй у рамках гэтага пагаднення, што, вядома, стварае вялікія перспектывы для нашага экспарту.