Як адзначыў у сваім выступленні старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей АЛЕЙНІК, Беларусь выступае за перазагрузку сістэмы міжнароднай бяспекі, умацаванне міжнароднага міру і бяспекі, за адмову ад незаконнай санкцыйнай палітыкі. «Таму мы цвёрда падтрымліваем доўгатэрміновыя мэты міжпарламенцкай канферэнцыі — прасоўванне міру, бяспекі і ўстойлівага развіцця, садзейнічанне ўмацаванню ўзаемнага росквіту і ўніверсальных каштоўнасцяў», — канкрэтызаваў ён.

Сенатар праінфармаваў, што Беларусь праводзіць паслядоўную палітыку ў сферы міжнароднай бяспекі. «Прэзідэнт Беларусі Аляксандр Лукашэнка шмат гадоў таму заклікаў да глабальнага дыялогу па бяспецы і супрацоўніцтве, — нагадаў Сяргей Алейнік. — Наша краіна і сёння не спыняе спроб пошуку сумесных адказаў на выклікі ў сферы бяспекі».

На палях канферэнцыі старшыня Пастаяннай камісіі Савета Рэспублікі па міжнародных справах і нацыянальнай бяспецы правёў шэраг сустрэч. У прыватнасці, з першым віцэ-прэм’ерам Мілі Меджліса Азербайджана абмяркоўвалі пытанні двухбаковага парадку дня з акцэнтам на ходзе рэалізацыі дамоўленасцяў у гандлёва-эканамічнай і сацыяльна-гуманітарнай сферах, а таксама пытанні міжпарламенцкага ўзаемадзеяння, у тым ліку на двухбаковых пляцоўках. У рамках сустрэчы з намеснікам Старшыні Народнай скупшчыны Сербіі закраналіся пытанні міжпарламенцкага супрацоўніцтва і ўзаемадзеяння на міжнароднай арэне. З першым намеснікам старшыні Федэральнага нацыянальнага савета ААЭ абмяркоўваліся пытанні супрацоўніцтва ў інвестыцыйнай і гандлёва-эканамічнай сферах, двухбаковыя кантакты па парламенцкай лініі.

Паводле прэс-службы Савета Рэспублікі