Традыцыйна самым вядомым фінансавым інструментам для інвестыцый сярод нашых грамадзян з’яўляюцца дэпазіты. Сур’ёзныя інвестары называюць яго латарэяй, хоць і прызнаюць, што часам тут можна здабыць нядрэнны прыбытак.

Разглядаць валютныя дэпазіты мы не будзем з прычыны непапулярнасці ў насельніцтва (дэдаларызацыя ў дзеянні, як кажуць). А вось па больш папулярных рублёвых укладах цяпер можна знайсці прапановы пад 5 % і нават 15,3 % гадавых. Натуральна, гэта будуць безадзыўныя дэпазіты на тэрмін больш за год. Даходнасць па іх удвая вышэйшая за афіцыйна прагназуючую інфляцыю па выніках мінулага года. Практычна ўсе банкі маюць падобныя стаўкі, але ёсць нюансы.

Трэба памятаць, што вялікія працэнтныя стаўкі прапануюцца выключна па безадзыўных укладах. У гэтым выпадку трэба вельмі ўважліва чытаць дагавор, таму што ў асноўным грошы немагчыма зняць да заканчэння тэрміну ўкладу або адбываецца частковая ці поўная страта даходнасці грошай. Другім нюансам з’яўляецца выбар фіксаванай або зменнай стаўкі. Пры выбары зменнай стаўкі, кліент павінен быць гатовы, што праз пэўны тэрмін павышаная даходнасць можа паменшыцца — часам нават у разы. І гэта будзе цалкам законным дзеяннем банка.

Яшчэ адзін даступны на ўнутраным рынку інструмент — аблігацыі. Для насельніцтва яны выпускаюцца выключна ў рублях. Яны бываюць дзяржаўнымі і карпаратыўнымі — якія выпускаюць асобныя кампаніі. Па карпаратыўных аблігацыях пытанняў яшчэ больш, хоць іх прыбытковасць звычайна такая ж ці крыху вышэйшая, чым у банкаўскіх укладаў. Тут, у адрозненне ад папер Мінфіна і дэпазітаў, гарантыі не такія стапрацэнтныя. Як лічаць эксперты, купляць гэтыя паперы варта толькі тады, калі інвестар добра разбіраецца ў бізнесе эмітэнта, мае доступ да яго фінансавай справаздачнасці, а яшчэ лепш — да інсайдарскай інфармацыі аб тым, як ідуць справы ў кампаніі.

Сяргей Куркач