Важнасць не паддавацца на правакацыі, не пераймаць невысокія стандарты заходніх медыя адзначыў першы намеснік Кіраўніка Адміністрацыі Прэзідэнта Рэспублікі Беларусь Уладзімір ПЯРЦОЎ. Гэта думка стала лейтматывам усяго з'езда, бо ў сучасных рэаліях менавіта выразная грамадзянская пазіцыя — залог якаснай журналістыкі: «Толькі тады, калі мы будзем дамініраваць у нашай інфармацыйнай прасторы, часам у цяжкай абстаноўцы ўтрымліваючы лідзіруючыя пазіцыі, толькі тады, калі мы не будзем адмахвацца ад драбнатэмнасці, на нашу думку, тады мы будзем карысныя і патрэбныя самай нашай галоўнай каштоўнасці — нашым чытачам, слухачам і гледачам».

Удзел у рабоце магутнай грамадскай арганізацыі, якая стаіць на варце прафесійных інтарэсаў і адстойвае правы журналістаў, у тым ліку свабоду слова, стане карысным вопытам для юнакоў і дзяўчат: «Падобныя мерапрыемствы спрыяюць павышэнню цікавасці моладзі да нашай прафесіі, усведамленню важнасці і неабходнасці такіх арганізацый, як Беларускі саюз журналістаў. Каля 100 студэнтаў і 20 выкладчыкаў нашага факультэта прысутнічаюць сёння на з'ездзе», — расказаў дэкан факультэта журналістыкі БДУ Аляксей БЯЛЯЕЎ. 

Нагадаем: з гэтага года БСЖ уключаны ў склад прэзідыума праўлення міжнароднай медыяплатформы «Адзін пояс — адзін шлях» (BRJN), якая абядноўвае два мільёны журналістаў з сотні краін. Гэты статус адкрывае перад беларускімі спецыялістамі ўнікальныя магчымасці. У тым ліку — працаваць над умацаваннем салідарнасці і медыяландшафту, стварэннем новых платформаў прамога абмену кантэнтам.

Паводле слоў Андрэя КРЫВАШЭЕВА, старшыні Праўлення ГА «Беларускі саюз журналістаў», генеральнага дырэктара УП «Агенцтва „Минск-Новости“», выклікі міжнароднага маштабу зараз відавочныя: «Бюракраты Еўрасаюза па-ранейшаму працягваюць выносіць супраць нас абсалютна незаконныя, нават з пункту гледжання іх права, рашэнні, у тым ліку заносяць нас у санкцыйныя спісы. Мы гэтага не баімся — мы працуем у інтарэсах нашай дзяржавы, нашых людзей».

Аміна НАЗАРАВА

Фота: Ксенія ЛІННІК