Пра гэта паведаміла прэс-сакратар Прэзідэнта Беларусі Наталля Эйсмант у адказ на пытанне інфармагенцтва ТАСС, ці ёсць у беларускага лідара інфармацыя аб мэтах правакацыі і ці звязаны інцыдэнт з пастаяннымі спробамі Вільнюса абвінаваціць Мінск у запуску метэазондаў і абвастрыць сітуацыю на граніцы.

— Першае. Прэзідэнт абсалютна і дэталёва праінфармаваны па гэтым пытанні, усе ўказанні аддадзены. Камітэт дзяржаўнай бяспекі і ўсе іншыя неабходныя структуры дзейнічаюць паводле атрыманых даручэнняў, — сказала прэс-сакратар.

— Па-другое. Што датычыцца літоўцаў. Сеўшы ў лужыну ў свой час з закрыццём граніцы, літоўцы дапускаюць чарговыя глупствы, якія абернуцца супраць іх. Мяркуем, ні беларускаму, ні літоўскаму народам гэта не трэба, але мы гатовыя да ўсяго, — працягнула яна.

Кажучы пра галоўнае — матывы і мэты літоўскага боку, Наталля Эйсмант заўважыла:

— У найбліжэйшы час іх мэты мы абавязкова ўбачым, але пакуль... аднойчы стрэліўшы сабе ў нагу, цяпер яны страляюць ужо сабе паміж ног.