Члены Савета Рэспублікі адобрылі законапраект «Аб змяненні законаў па пытаннях дзяржаўнай дактыласкапічнай рэгістрацыі». Як звярнуў увагу намеснік міністра ўнутраных спраў — начальнік крымінальнай міліцыі Генадзь КАЗАКЕВІЧ, арганізацыя працэсу дзяржаўнай дактарэгістрацыі патрабуе ўдасканалення з пункту гледжання як яе мадэрнізацыі, так і актуалізацыі катэгорый асоб, якія падлягаюць абавязковай дактарэгістрацыі. Прадугледжваецца надзяленне органаў пагранслужбы паўнамоцтвамі на правядзенне дактыласкапіі, атрыманне і выкарыстанне дактаінфармацыі. Акрамя таго, прадугледжана ўдасканаленне інфармацыйных адносін паміж дзяржорганамі ў частцы абмену дактаінфармацыяй у аўтаматычным рэжыме».

Сенатары ратыфікавалі пагадненне паміж Урадам Рэспублікі Беларусь і Урадам Султаната Аман аб узаемнай адмене віз. Намеснік міністра замежных спраў Беларусі Яўген Шастакоў нагадаў, што ў лютым 2025 года паміж Беларуссю і Аманам былі ўстаноўлены прамыя авіяцыйныя зносіны, што садзейнічае павелічэнню турыстычных патокаў і развіццю дзелавых сувязяў. «Згодна з існуючымі статыстычнымі данымі, у 2025 годзе Беларусь наведалі амаль 500 грамадзян Амана, а турыстычны паток грамадзян Беларусі ў Аман за аналагічны перыяд склаў каля 5,5 тысячы грамадзян», — заўважыў Яўген Шастакоў.

Падчас пасяджэння быў заслуханы даклад старшыні Пастаяннай камісіі Савета Рэспублікі па міжнародных справах і нацыянальнай бяспецы Сяргея Алейніка аб міжпарламенцкай дзейнасці сенатараў у мінулым годзе.

Паводле БелТА.