Вынік не прымусіў сябе чакаць, паведамілі ў банку: за два месяцы толькі малому і сярэдняму бізнесу ўжо прадстаўлена каля 10 мільёнаў рублёў на рэалізацыю больш за 40 праектаў. Іх геаграфія ўражвае: 23 раёны ва ўсіх шасці рэгіёнах Беларусі.

Спектр праектаў шырокі: будаўніцтва кафэ і рэстаранаў, рэканструкцыя нумарнога фонду гасцініц, закупка сучаснага медыцынскага абсталявання, набыццё спартыўнага інвентару, развіццё заалагічных паркаў.

Адзін з першых праектаў, якія атрымалі падтрымку Банка развіцця, — шматфункцыянальны гасцінічны комплекс з кафэ і СПА ў Гродне. 

Аб’ект будзе размешчаны ў знакамітым лясным масіве Пышкі ў 3 кіламетрах ад цэнтра горада.

— Ідэя амбіцыйная і прыгожая: даўно хацелі стварыць сучасную прастору, якая аб’яднае камфорт гарадскога адпачынку і натуральную гармонію з прыродай. Цяпер гэта жаданне трансфармавалася ў рэальную работу на будаўнічай пляцоўцы. Упэўнены, што хутка наш гасцінічны комплекс стане месцам, дзе можна адчуваць утульнасць і спакой, застаючыся ў балансе паміж дынамікай горада і цішынёй прыроды, — расказаў адзін з ініцыятараў праекта Аляксандр Рамановіч.

— Калі ў вас ёсць праект, які зробіць турызм Беларусі лепшым, то Банк развіцця дапаможа эфектыўна яго рэалізаваць, — падкрэслілі ў банку.