«Прадстаўляць такую невялікую краіну, як Беларусь, на Алімпіядзе было б для мяне падставай для гонару, гэта выхад на найвышэйшы ўзровень. Я спадзяюся, што WTA зможа вярнуць нам нашы сцягі як мага хутчэй і мы будзем выступаць са сваёй дзяржаўнай сімволікай, а не ў статусе нейтральных атлетаў», — падкрэсліла Сабаленка.

«Я заўсёды вельмі ганарылася краінай, з якой я родам, і хачу быць прыкладам для наступных пакаленняў. Хочацца, каб юныя спартсмены ведалі, што гэта не мае значэння, з якой краіны вы родам — вялікай ці маленькай, — вы заўсёды можаце дабрацца да вяршыні, калі змагаецеся і працуеце кожны дзень», — адзначыла лідар сусветнага рэйтынга.

Як паведамлялася, 7 мая Міжнародны алімпійскі камітэт адмяніў свае абмежаванні ў адносінах да беларускіх атлетаў. Цяпер слова за міжнароднымі спартыўнымі федэрацыямі, якія таксама павінны прыняць рашэнні аб зняцці ўсіх абмежаванняў і дапусціць беларусаў да турніраў са сваёй дзяржаўнай сімволікай.