У Мюнхене стартаваў чэмпіянат Еўропы па тхэквандо

11.05.2026 | 11:43

На першынстве кантынента ў Германіі выступяць 12 беларусаў. Нашу каманду прадставяць восем мужчын і чатыры дзяўчыны. У першы дзень спаборніцтваў, 11 мая, за ўзнагароды спрачаліся Мацвей Мятліцкі (да 68 кг) і медаліст чэмпіянату свету Арцём Плоніс (звыш 87 кг). У аўторак у Мюнхене выступаюць Валерыя Смычкова (да 62 кг), Раман Туравінаў (да 80 кг) і двухразовы прызёр ЧС, удзельнік парыжскай Алімпіяды Георгій Гурцыеў (да 58 кг).

У Мюнхене стартаваў чэмпіянат Еўропы па тхэквандо

У сераду ўдзел у турніры возьмуць Юлія Вітко (да 57 кг), Максім Бандарэвіч (да 63 кг) і Данііл Юркоў (да 67 кг). У заключны дзень кантынентальнага форуму, 14 мая, паядынкі правядуць Марыя Струнец (да 49 кг), Паліна Міхальчук (звыш 73 кг), Ягор Казлоў (да 54 кг) і Яўген Шадзеўскі (да 74 кг).

На мінулагоднім чэмпіянаце Еўропы па тхэквандо ў алімпійскіх вагавых катэгорыях у Швейцарыі беларускія спартсмены заваявалі чатыры медалі — па адным залатым і сярэбраным, а таксама два бронзавыя.