Пры моцнай спякоце трэба старацца менш знаходзіцца пад прамымі сонечнымі прамянямі, асабліва з 12.00 да 16.00, насіць галаўныя ўборы і лёгкую вопратку з натуральных тканін.

У такое надвор’е варта піць шмат вадкасці, адмовіцца ад ужывання алкагольных напояў. У выпадку адпачынку каля вадаёма з дзецьмі іх нельга пакідаць без нагляду нават на некалькі секунд. Купацца толькі ў дазволеных і абсталяваных месцах, выконваць прыродаахоўнае заканадаўства, сачыць за сваёй маёмасцю — усё гэта дапаможа зрабіць адпачынак каля вадаёма больш бяспечным.

Вадзіцелям неабходна пастаянна кантраляваць сваё самаадчуванне. Пры першых прыкметах недамагання або дрымотнасці варта спыніцца ў цені, адпачыць, памыцца халоднай вадой. Пажылым і людзям з хранічнымі захворваннямі лепш адмовіцца ад паездак, пры немагчымасці — узяць з сабой неабходныя лекі і ваду.

Пры такіх высокіх тэмпературах нельга пакідаць дзяцей адных у аўтамабілі, нават ненадоўга. Пад пякучым сонцам салон награваецца з такой інтэнсіўнасцю, што небяспечная для жыцця тэмпература будзе дасягнута ў лічаныя хвіліны. Нельга таксама пакідаць у зачыненай машыне хатніх гадаванцаў.

У МНС таксама нагадалі пра фактары небяспекі. Імі могуць стаць адключэнне электраэнергіі з-за перагрэву трансфарматарнага абсталявання, дэфармацыя асфальтавага пакрыцця і павелічэнне колькасці ДТЗ, аварыі на чыгуначным транспарце з-за дэфармацыі рэек, узнікненне ачагоў прыродных пажараў, распаўсюджванне агню на населеныя пункты, лініі ЛЭП і сувязі.

Таксама ўзрастае рызыка заражэння інфекцыйнымі і паразітарнымі захворваннямі, абвастрэння сардэчна-сасудзістых хвароб, высокая верагоднасць цеплавых удараў, гібель людзей на вадзе пры купанні.

Магчыма пашкоджанне (абвальванне) слаба ўмацаваных канструкцый, дахаў будынкаў, збудаванняў, падзенне дрэў, падтапленне асобных дамоў, гаспадарчых пабудоў, агародаў, сельгасугоддзяў, аўтадарог мясцовага значэння.

Беражыце сябе!