Перад пачаткам выязнога пасяджэння Прэзідыума яго ўдзельнікі азнаёміліся з вытворчай базай Гарадзейскага цукровага камбіната і выставачнай экспазіцыяй айчынных вытворцаў. На камбінаце выбудаваная глыбокая перапрацоўка айчыннай сыравіны з акцэнтам на чысты састаў — ад выпуску сокаў, павідла і напаўняльнікаў без цукру да стварэння кампанентаў для малочнай галіны і выкарыстання тэхналогій безадходнага цыкла.

Харчовая бяспека краіны надзейна забяспечана, а айчынныя прадукты шырока вядомыя далёка за межамі Беларусі. Таму галоўнае пытанне ад Старшыні Савета Рэспублікі Наталлі Качанавай да вытворцаў і гандлёвых сетак: «Дзе на айчынных прылаўках поўны асартымент прадукцыі для здаровага харчавання?»

Спікер падкрэсліла, што карысныя беларускія прадукты павінны безумоўна прысутнічаць ва ўсіх крамах, школах і бальніцах. «Мы — гэта тое, што мы ядзім, п’ём і чым дыхаем. Пра гэта заўсёды гаворыць Прэзідэнт нашай краіны, прад’яўляючы самыя сур’ёзныя патрабаванні да якасці. Прадукты для здаровага харчавання ў нас выпускаюцца, і мы павінны зрабіць так, каб чалавек лёгка мог знайсці іх на паліцы любой крамы», — заявіла яна.

«Клопат пра чалавека, яго дабрабыт і якасць жыцця — гэта ключавы кірунак, вызначаны Усебеларускім народным сходам. Харчовую бяспеку дзяржавы мы забяспечылі цалкам, цяпер наш стратэгічны прыярытэт — здароўе нацыі і паўнавартаснае даўгалецце беларусаў», — абазначыла Наталля Качанава.

Падчас пасяджэння прэзідыума былі сістэмна акрэслены задачы для органаў улады, вытворцаў і гандлю: у краіне сфарміравана надзейная нарматыўная база, выбудавана сістэма нагляду за якасцю прадукцыі, дзейнічаюць прэферэнцыі для вытворцаў арганічных тавараў. З бюджэту выдзяляюцца маштабныя сродкі на арганізацыю харчавання ў школах, дзіцячых садках і бальніцах. Цяпер ад кіраўнікоў на месцах патрабуецца гаспадарскі падыход: карысная беларуская прадукцыя — ад дыетычных рацыёнаў да натуральных сокаў — безумоўна, павінна прысутнічаць ва ўсіх гандлёвых сетках і сацыяльных установах.

Была таксама падтрымана ініцыятыва аб фарміраванні пастаяннай рабочай групы па пытаннях развіцця індустрыі здаровага харчавання і арганічнай сельгасвытворчасці. Дзейнасць групы будзе накіравана на ўдасканаленне нарматыўна-прававой базы, збліжэнне галіновых стандартаў і стварэнне аптымальных умоў для шырокай прысутнасці беларускіх экскаватараў на ўнутраным рынку. Клопат пра здароўе грамадзян, усебаковае садзейнічанне нацыянальным вытворцам і ўмацаванне харчовага сектара застаюцца пастаянным прыярытэтам дзяржаўнай палітыкі.

Пасля пасяджэння Прэзідыума Савета Рэспублікі Наталля 
Качанава правяла сустрэчу з працоўным калектывам 
Гарадзейскага цукровага камбіната. Спікер падрабязна расказала аб асноўных кірунках дзейнасці Савета Рэспублікі.

Паводле прэс-службы Савета Рэспублікі