Ужо гадоў 10 сям’я Грахоўскіх-Гірыновічаў жыве ў аграгарадку Пятрэвічы Навагрудскага раёна. «Здавалася, у Мінску ўсё складвалася, у нас была работа, жыллё. Іншыя, напэўна, і трымаліся б за сталіцу, але мы вырашылі пераехаць на радзіму мужа. Сёння я тут адчуваю сябе нават больш сваёй, чым ён. Бывае, што з мужам абмяркоўваем, ці правільна ўсё зрабілі, ці не шкадуем аб пераездзе? Ды ні кропелькі!» — дзеліцца ўладальніца ордэна Маці Вольга Грахоўская.

Змрочны лес, дзе ў кожным кутку можа падсцерагаць нечаканасць, падманлівая цішыня, у якой хаваецца дзікі звер, стрэльба, цяжар якой адцягвае руку, — здаецца, тут няма месца жанчыне. Аднак Наталля Філістовіч парушае ўсе стэрэатыпы пра слабы пол. 26 гадоў таму яна звязала сваё жыццё з лясной гаспадаркай і дагэтуль застаецца вернай свайму выбару. Як праходзяць будні жанчыны-егера, мы даведаліся, адправіўшыся на яе працоўнае месца — у лес.

Ад сельскагаспадарчай школы да сучаснай установы адукацыі — такі шлях станаўлення прайшоў Мар’інагорскі дзяржаўны ордэна «Знак Пашаны» аграрна-тэхнічны каледж імя У. Е. Лабанка, які адзначыць свой 150-гадовы юбілей.

На базе аздараўленчага лагера «Крынічка» ў Валожынскім раёне прайшоў гала-канцэрт ІІІ Рэспубліканскага сямейнага фестывалю «РАЗАМ», арганізаванага ГА «Беларускі саюз жанчын» і прысвечанага Дню сям’і. Ён сабраў 19 творчых сем’яў з усіх рэгіёнаў краіны.

У суботу на Нацыянальным футбольным стадыёне ў фінальным паядынку 35-га кубкавага розыгрышу Беларусі футбалісты барысаўскага БАТЭ адолелі мінскае «Дынама» ў серыі пасляматчавых пенальці — 8:7 (гульнявы час і дадатковы — 1:1).

Гаворка ідзе аб участках трасы Р-53 ад Жодзіна да Барысава і М-10 ад Рэчыцы ў напрамку Калінкавічаў, растлумачылі ў Міністэрстве транспарту і камунікацый.

Пра гэта можна меркаваць па аператыўных даных Мінсельгасхарча, які агучыў даныя пасяўной па выніках 18 мая. Так, яравых культур у краіне пасеяна на плошчы 2 мільёны 133 тысячы гектараў, што складае 94 % ад агульнай плошчы сяўбы ў 2 мільёны 294 тысячы гектараў.

У сацыяльных сетках з гэтай нагоды стаіць гвалт: праз тыдзень з невялікім вучні 10-х класаў адправяцца на вучэбна-палявыя зборы. «Не пушчу», «Не аддам дзіця!», «Непаўналетнія, якія зборы з начлегам?!», «Яны яшчэ і грошы з бацькоў здзіраюць за зборы. Плаціць не буду!..» — гэта адзін бок. На другім — больш узважаныя і спакойныя развагі: «Менавіта так пачынаецца шлях ад юнака да мужчыны», «На бульбу ездзілі, у паходы хадзілі з настаўнікам. Нас жа адпускалі», «А ў кругласутачны лагер матулі сваіх дзяцей, прычым з сямі гадоў, таксама адпраўляюць з рыданнямі — не пушчу, не аддам?» Быць арбітрам у чужой спрэчцы — справа няўдзячная. Тут дапаможа толькі кампетэнтнае слова спецыялістаў, да якіх мы і звярнуліся, каб разам раскласці па палічках усе нюансы.

Нацыянальны статыстычны камітэт ажыццявіў першую ацэнку ВУП за студзень—красавік гэтага года. Паводле яго даных, аб’ём ВУП у бягучых цэнах склаў 94,5 мільярда рублёў, або ў супастаўных цэнах 100,2 % да аналагічнага ўзроўню мінулага года.

Беларускія самбісты заваявалі дзесяць узнагарод чэмпіянату Еўропы 2026 года, які завяршыўся ў нядзелю ў Тбілісі.

У сваім штотыднёвым макраэканамічным аглядзе Еўразійскі банк развіцця канстатаваў: у красавіку інфляцыя ў Беларусі склала 5,4 % у гадавым вылічэнні, захаваўшыся на ўзроўні сакавіка.

У інтарэсах павышэння гатоўнасці Узброеных Сіл да прымянення сучасных сродкаў паражэння, у тым ліку спецыяльных боепрыпасаў, 18 мая пачалася трэніроўка воінскіх часцей баявога прымянення ядзернай зброі і ядзернага забеспячэння, паведамілі ў Мінабароны.

Сёння набірае абароты работа па пашырэнні сеткі груп для дзяцей ва ўзросце да двух гадоў. Апрабаваная некалькі гадоў таму ініцыятыва стала чакана запатрабаванай сёння — яна адкрывае добрыя магчымасці як для мамы, так і для яе дзіцяці. Жанчына зможа займацца не толькі сям’ёй, але і кар’ерай, а дзіця — мець зносіны з аднагодкамі, атрымліваць новы вопыт узаемадзеяння, а значыць, больш хуткую сацыялізацыю. Бацькі з вопытам ведаюць, што ў дзіцячым калектыве малы хутчэй вучыцца гаварыць, самастойна есці і апранацца. Яшчэ адзін безумоўны плюс — з ранняга ўзросту дзіця акунаецца ў адукацыйнае асяроддзе.

Як доўга ў Беларусі пратрымаецца анамальнае цяпло, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.