Пасольства Кітайскай Народнай Рэспублікі ў Рэспубліцы Беларусь пры падтрымцы Міністэрства інфармацыі праводзіць творчы конкурс «Мая гісторыя з Кітаем», афіцыйны старт якому быў дадзены 31 жніўня ў прэс-цэнтры Дома прэсы.

Пра каляндарны надыход восені па традыцыі гучна нагадае першы званок — на ўрок. Пачынаецца новы навучальны год у школах, гімназіях, ліцэях, каледжах, ВНУ. Аднак напярэдадні прагучала добрая навіна і для нашых пенсіянераў — іх кашалькі ў чарговы раз крыху патаўсцеюць. І гэта яшчэ не ўсе восеньскія змяненні. Аднак пра ўсё па парадку.

Мінскі Камароўскі рынак насуперак прывычнаму графіку расчыніў свае дзверы для наведвальнікаў у панядзелак, 31 жніўня. З раніцы да вечара працаваў толькі адзін сектар з кветкавай прадукцыяй. І мяркуючы па колькасці наведвальнікаў, такая змена ў графіку стала правільным рашэннем.

Як у рэгіёнах замацоўваюць маладых педагогаў, у эфіры тэлеканала «Беларусь 1» расказаў міністр адукацыі Андрэй Іванец. Па яго словах, сфера адукацыі цяпер павінна вырашаць не толькі пытанні навучання, але і многія спадарожныя, якія ўзнікаюць з развіццём тэхналогій.

Па стане на раніцу апошняга дня лета было ўбрана амаль 98 % плошчаў. З улікам таго, што пагоднымі днямі канца жніўня сярэдні прырост складаў да 1,4 % плошчаў, якія падлягалі ўборцы, можна меркаваць, што толькі ў некаторых раёнах засталося дажаць невялікія лапікі.

Дзякуючы народнаму фальклорнаму калектыву «Чараўніцы-каравайніцы» слава пра мясцовыя традыцыі, звязаныя з выпечкай, пайшла далёка за межы Слонімшчыны. У год тут пякуць не менш за сотню караваяў, частуюць імі гасцей, сярод якіх былі і прадстаўнікі Расіі, Кітая, Ірана. Са сваёй выпечкай жанчыны ездзяць на шматлікія фестывалі, сустракаюць дэлегацыі. Паўлаўскія караваі пабывалі ў Палацы Рэспублікі і Палацы Незалежнасці, на ВДНГ у Маскве. 

У мінулую суботу старажытны беларускі горад Ліда стаў цэнтрам грандыёзнага свята. У гэтым годзе падзея набыла асаблівае значэнне: святкаванне 703-годдзя горада супала з урачыстым вяртаннем папулярнага музычна-гастранамічнага фестывалю LІDBEER-2026, прысвечанага 150-годдзю ААТ «Лідскае піва». Па даных арганізатараў, за дзень мерапрыемства прыцягнула звыш 100 000 чалавек, у тым ліку жыхароў горада і гасцей з розных куткоў Беларусі, а таксама дэлегацыі з гарадоў-пабрацімаў.

Ці можна ўбачыць і адчуць час? Аказваецца, так. Дастаткова выйсці на вуліцу або ў найбліжэйшы лес і ўважліва прыгледзецца да дрэў, якія там растуць. Дзе-нідзе захаваліся сапраўдныя зялёныя волаты, гледзячы на якія, мімаволі разумееш, што яны значна старэйшыя за цябе. Яны ўжо былі вялікія, калі яшчэ нашы бабулі і дзядулі бегалі вакол іх дзецьмі. За мінулыя дзесяцігоддзі шмат што адбылося, але гэтыя дрэвы выстаялі і працягваюць расці і цяпер. Гэта ўнікальныя прыродныя аб’екты, якія маюць батанічную, навуковую і эколага-асветніцкую каштоўнасць. Адзін з іх — таполя-волат Барысаўскага цэнтра экалогіі і турызму.

Навучальны год толькі пачынаецца, а ў студэнцкім гарадку БДСГА ўжо з тыдзень кіпіць жыццё — студэнты засяляюцца ў інтэрнаты. Апошнімі, як правіла, літаральна ў мінулыя выхадныя, засяляліся першакурснікі. «Звязда» паглядзела, як маладыя людзі з розных куткоў Беларусі рабілі свой першы крок у самастойнае жыццё.

Сёлета асноўныя тэмы свята — Год беларускай жанчыны, які праходзіць у нашай краіне, 85-я гадавіна пачатку Вялікай Айчыннай вайны, юбілеі класікаў беларускай літаратуры і Пяцігодка якасці. Усе гэтыя тэмы будуць адлюстраваныя і падчас сустрэч, і на кніжных паліцах, і падчас урачыстых імпрэз 5 і 6 верасня.

Беларускія спартсмены возьмуць удзел у міжнароднай культурна-спартыўнай падзеі ў Кыргызстане — VІ Сусветных гульнях качэўнікаў.

ФК «Іслач» спыніў сваю пераможную серыю, але дагнаў «МЛ Віцебск» у турнірнай табліцы чэмпіянату Беларусі.

У сваіх паўсядзённых або прафесійных задачах мы нярэдка сёння звяртаемся па дапамогу не да прадстаўнікоў старэйшага, больш вопытнага пакалення, як гэта было раней, а да штучнага інтэлекту. Чаму так адбываецца? Як робаты ўплываюць на эканоміку і развіццё краіны? Пра гэта мы пагаварылі з нейрахірургам, навуковым супрацоўнікам аддзялення пухлін галаўнога мозгу РНПЦ анкалогіі і медыцынскай радыялогіі імя М. М. Аляксандрава, выкладчыкам кафедры неўралогіі і нейрахірургіі Інстытута павышэння кваліфікацыі і перападрыхтоўкі кадраў аховы здароўя Беларускага дзяржаўнага медыцынскага ўніверсітэта, членам Беларускага саюза журналістаў Гуменам ГАРБАННІДЖАДАМ.

Яна прыйшла ў гаспадарку ў 1998 годзе, пачынала памочнікам на свінакомплексе, а потым асвоіла адну з самых адказных прафесій у сельскай гаспадарцы — аператара па штучным асемяненні буйной рагатай жывёлы. Валянціна ПАЛЯШЧУК працуе на МТФ «Засулле» ААТ «Каганец» Стаўбцоўскага раёна. Яна ўдастоена звання «Выдатнік сельскай гаспадаркі» — узнагароды, якую ўручаюць найлепшым працаўнікам галіны, яе фота не раз было занесена на раённую Дошку гонару. Карэспандэнты «Звязды» пабывалі на яе працоўным месцы і пагутарылі з жанчынай, якая ўжо больш за чвэрць стагоддзя клапоціцца пра ўзнаўленне статка.

Беларускія весляры на байдарках і каноэ заваявалі сем узнагарод чэмпіянату свету 2026 года, які завяршыўся ў нядзелю ў польскай Познані.

Сёння ў Рэспубліканскім цэнтры алімпійскай падрыхтоўкі «Стайкі» па-сапраўднаму шматлюдна — больш за 500 прадстаўнікоў беларускіх сродкаў масавай інфармацыі сабраліся разам, каб адкрыць рэспубліканскую спартакіяду «Здароўе» работнікаў сферы Міністэрства інфармацыі. Атмасфера тут зараджае энергіяй: на старце — 20 каманд, якія гатовы да спорту, эмоцый і сапраўднай каманднай барацьбы.