10 студзеня ў рамках прэс-тура прадстаўнікам СМІ ўдалося наведаць Музей сучаснай беларускай дзяржаўнасці Нацыянальнага гістарычнага музея Рэспублікі Беларусь. Было цікава, бо гэта адзін з самых маладых і тэхналагічных музеяў краіны.

Яго пастаянная экспазіцыя адлюстроўвае сучасную гісторыю Рэспублікі Беларусь з 1990 года па сённяшні дзень. Яна размешчана ў шасці тэматычных залах, якія змясцілі ў сябе ўсе сферы жыцця краіны ад палітыкі і эканомікі да навукі, культуры і спорту. Усяго ў калекцыі музея каля 4 тыс. адзінак захоўвання, 800 з якіх можна ўбачыць на экспазіцыі.

Лізавета ГОЛАД
фота аўтара