9 жніўня ў Палацава-паркавым ансамблі XVI-XIX стагоддзяў у горадзе Нясвіжы адбыўся фестываль гістарычных рэканструкцый «Нясвіжская фартэцыя».

Больш за 130 прадстаўнікоў дванаццаці ваенна-гістарычных клубаў з усёй Беларусі прадставілі шматлікім гледачам сваё майстэрства.

Пасля парада ўдзельнікаў адбыліся рыцарскія конныя і пешыя турніры, сваё ўменне прадэманстравалі лучнікі.

Былі паказаны рэканструкцыі ваенных дзеянняў і іншых гістарычных эпох.

Усе жадаючыя маглі набыць сувеніры на кірмашы майстроў, якія прадстаўляюць традыцыйныя беларускія рамёствы.

Адным словам — фестываль запомніцца надоўга!

Віктар ІВАНЧЫКАЎ

Фота аўтара