13 чэрвеня ва ўстанове адукацыі «Мінскае сувораўскае ваеннае вучылішча» адбыўся 69-ы выпуск сувораўцаў.

З 57 выпускнікоў, трое — Сяргей Казлоўскі, Уладзіслаў Марозаў, Максім Протас былі ўзнагароджаны залатымі медалямі, якія ім уручыў намеснік міністра абароны Рэспублікі Беларусь генерал-маёр Аляксандр Навуменка.

Большасць выпускнікоў прадоўжаць навучанне ў навучальных установах сістэмы ваеннай бяспекі краіны.

У сценах вучылішча пуцёўку ў жыццё атрымалі каля 15 тысяч юнакоў, з якіх больш за 370 сувораўцаў скончылі вучылішча з залатым медалём, 457 выпускнікоў — са сярэбраным. Нямала выпускнікоў сталі генераламі, кандыдатамі навук, дацэнтамі і прафесарамі.

Віктар Іванчыкаў

Фота: Віктар Іванчыкаў