Пра вынікі і планы расказаў першы сакратар Мінскага гарадскога камітэта ГА «Беларускі рэспубліканскі саюз моладзі» Аляксей Пікус.

Амбіцыйная лічба — 25 тысяч

Паводле слоў Аляксея Пікуса, такая мэта грунтуецца не на пустых словах, а на рэальнай зацікаўленасці моладзі.

«Гэта вялікая мэта, якая грунтуецца не на пустых словах, а на рэальнай зацікаўленасці моладзі ў тых праектах, ідэях і тым аналізе работы, які праведзены па выніках мінулага года і стасунках з моладдзю. На сённяшні момант каля трох тысяч маладых людзей ужо працаўладкаваны. З іх больш за тысячу — непаўналетнія. Гэта паказчык зацікаўленасці менавіта іх: зарабіць свае першыя грошы, унесці ўклад у сацыяльна-эканамічнае развіццё горада», — расказаў першы сакратар.

Атрады працуюць круглы год

Аляксей Пікус адзначыў, што дзейнасць студэнцкіх атрадаў у Мінску ажыццяўляецца кругласутачна — першы атрад прыступіў да работы 5 студзеня.

«Ёсць на сённяшні момант круглагадовыя атрады, ёсць атрады, якія працуюць па два-тры месяцы, ёсць з больш кароткім тэрмінам — ад трох тыдняў да месяца. Усе атрады атрымліваюць неабходныя кампетэнцыі, адпрацоўваюць належныя па заканадаўстве тэрміны, каб хлопцы і дзяўчаты маглі і заняцца работай, і атрымаць пэўныя навыкі, веды, і, вядома ж, зарабіць свае першыя грошы», — падкрэсліў ён.

Знакавыя аб’екты і маладзёжныя будоўлі

Сярод найбольш важных праектаў гэтага года — Нацыянальны гістарычны музей, Мінская гарадская маладзёжная будоўля і сквер па бульвары Талбухіна.

«Гэта аб’ект маладзёжнай увагі. Побач з Домам моладзі, каб завяршыць кампазіцыйна ўсё, што там будзе, і сапраўды стварыць такое маладзёжнае аб’яднанне ў горадзе Мінску», — растлумачыў спікер.

На будоўлі Нацыянальнага гістарычнага музея ўжо працуе другі атрад, а праз два дні прыступіць да работы трэці — агулам каля 20 чалавек, з якіх 18 — непаўналетнія.

Сем профіляў і новыя кірункі

На сёння ў Мінску дзейнічаюць 7 профіляў студэнцкіх атрадаў: сэрвісны, педагагічны, вытворчы, экалагічны, сельскагаспадарчы, медыцынскі. Аднак на гэтым спіс не заканчваецца.

«У горадзе Мінску рэалізуецца ініцыятыва стварэння новых профіляў пад індывідуальныя студэнцкія атрады. Напрыклад, студэнцкі атрад эканамічнага профілю на базе Банка народнага развіцця», — прывёў прыклад Аляксей Пікус.

«Тры прадпрыемствы ўжо выказалі жаданне працаваць у гэтым кірунку. Атрады выйдуць у летні перыяд, яшчэ з двума праводзяцца перагаворы».

Як запісацца ў атрад?

Запісацца ў студэнцкі атрад можна праз пярвічную арганізацыю па месцы вучобы. Аднак ужо ў бліжэйшы месяц з’явіцца яшчэ больш зручны спосаб.

«Зараз праводзіцца работа і распрацоўка тэматычнага інтэрнэт-рэсурсу, на якім будзе магчымасць запісацца ўсім ахвотным у студэнцкі атрад. І калі арганізацыя ці прадпрыемства пакіне заяўку аб наяўнасці вакансій, гэта работа будзе завершана ў бліжэйшы месяц», — паабяцаў Аляксей Пікус.

Не проста работа, а будучыня

Падводзячы вынік, кіраўнік Мінскага гарадскога камітэта БРСМ падкрэсліў, што галоўнае — не толькі лічбы, але і стаўленне моладзі да справы.

«Маладыя людзі гатовы ўкладвацца не проста ў работу, а сапраўды будаваць тое, што застанецца на доўгія-доўгія гады».

Надзея ЗУЕВА