Плацельшчыкі падатку на прафесійны даход актыўна карыстаюцца правам добраахвотнай даплаты ўзносаў у ФСАН, паведамілі ў Мінпрацы і сацабароны.

Па звестках ведамства, па стане на 1 сакавіка ўжо 830 чалавек паспяхова сфарміравалі страхавы стаж за 2025 год.

— Падатак на прафесійны даход ужо ўключае ўзносы ў бюджэт ФСАН (60 % ад сумы падатку). Але калі ваш даход невялікі, гэтых адлічэнняў можа быць недастаткова, каб каляндарны год быў залічаны ў страхавы стаж. Для поўнага заліку года сума ўзносаў павінна складаць не менш за 29 % ад мінімальнай заработнай платы за кожны месяц, — растлумачылі ў профільным міністэрстве.

Тут дадалі, што сума даплаты разлічваецца аўтаматычна: гэта розніца паміж мінімальна неабходным памерам узносаў (29 % ад МЗП памнажаецца на колькасць месяцаў) і той часткай, якая ўжо выплачана ў складзе падатку.

Даведацца аб памеры даплаты можна трыма спосабамі. Першы — у Асабістым кабінеце застрахаванай асобы на партале ФСАН. Другі — у мабільным дадатку ФСАН у раздзеле «Прадпрымальніцкая і іншая дзейнасць». Трэці — у сістэме «Разлік (АРІП)».

Апошні дзень для добраахвотнай выплаты ўзносаў за 2025 год — 31 сакавіка, нагадалі ў Мінпрацы.