«Складаную прэс-форму па традыцыйнай тэхналогіі прыйшлося б чакаць месяц. Мы ж выкарыстоўваем 3D-друк — на выраб сыходзіць 24 гадзіны, і ўжо праз два дні можам здаць заказчыку», — расказаў старшыня праўлення мясцовай кампаніі «Сяамуван» Ван Хан.

Па-старому складаная прэс-форма з драбнюткім малюнкам пратэктара выраблялася тыднямі. Выкарыстоўваліся хімічныя пратраўкі, гальваніка, ліццё — неэкалагічна, доўга і недакладна. Цяпер 3D-прынтар друкуе форму з высокай дакладнасцю за 24 гадзіны без усялякай хіміі і лішніх этапаў. Пры гэтым надрукаваная форма неаднаразовая — адна такая форма вытрымлівае вытворчасць каля 200 тысяч пар абутку. Дзякуючы тэхналагічнаму прарыву кампанія «Сяамуван», якая існуе ўсяго паўгода, ужо атрымала замовы амаль ад сотні абутковых прадпрыемстваў.

Характэрна, што ў Пуцяне, дзе ёсць практычна поўны вытворчы ланцужок абутковай прамысловасці, буйных вытворцаў прэс-формаў налічваюцца адзінкі. Паводле звестак улад, мясцовы рынак прэс-формаў ацэньваецца ў 10 мільярдаў юаняў, аднак доўгі час гэты попыт пакрываўся за кошт паставак з іншых рэгіёнаў. 

Улады Пуцяня прыступілі да рэалізацыі стратэгіі па прыцягненні спецыялістаў: яны пабудавалі прамысловы парк прэс-формаў, каб прыцягнуць назад тутэйшыя кампаніі па вытворчасці прэс-формаў, якія раней працавалі за межамі горада. Кампанія «Сяамуван» — якраз адна з іх. Ван Хан паведаміў, што ў планах кампаніі павялічыць парк абсталявання да 100 установак і прымяняць лічбавыя і інтэлектуальныя тэхналогіі для мадэрнізацыі абутковай і швейнай прамысловасці Пуцяня.