— Моладзь павінна ўвабраць дух пакалення пераможцаў, усвядоміць унёсак Беларусі ў Вялікую Перамогу і яе значнасць на міжнароднай арэне. Сама ідэя правядзення такой цырымоніі абсалютна правільная, бо атрыманне пашпарта — гэта значная падзея, — адзначыла Наталля Пяткевіч.

Паводле яе слоў, сёлета акцыя «Мы — грамадзяне Беларусі!» набывае асаблівы сэнс, паколькі праходзіць у год 80-годдзя Вялікай Перамогі.

Акрамя таго, Наталля Пяткевіч дадала, што важна з самага пачатку закладваць асновы, каб маладыя ўсведамлялі тое, што яны становяцца паўнацэннымі грамадзянамі, атрымліваюць правы і, самае галоўнае, пачынаюць несці адказнасць за лёс сваёй краіны.

Аляксандр Лук’янаў, звяртаючыся да юных грамадзян, падкрэсліў, што юнакі і дзяўчаты атрымалі асаблівы дакумент, які з гэтага часу будзе абараняць іх як унутры краіны, так і за яе межамі.

— Гэты дакумент як кніга, у якую вы будзеце ўпісваць самыя яркія старонкі вашага жыцця, — адзначыў ён.

Атмасфера на мерапрыемстве была па-сапраўднаму святочная. Добры настрой забяспечылі падарункі ад музычных калектываў і добрыя словы ад спікераў. Гэта ўрачыстая падзея надоўга застанецца ў памяці юных грамадзян і іх бацькоў.

Фота аўтара