Сеткавае выданне zviazda.by

Кітайскія аўтамабільныя кампаніі пачалі актыўна займацца распрацоўкай чалавекападобных робатаў. Такія вытворцы, як GAC, XPeng, Chery і іншыя, ужо прадставілі свае распрацоўкі ў гэтай вобласці, перадае «Жэньмінь жыбаа» анлайн».

Дэпутаты Палаты прадстаўнікоў на пасяджэнні другой сесіі прынялі ў другім чытанні законапраект «Аб змяненні Закона Рэспублікі Беларусь «Аб дарожным руху». Дакумент накіраваны на ўдасканаленне грамадскіх адносін, якія ўзнікаюць пры прадастаўленні права кіравання колавым трактарам і самаходнай машынай.

Працягваецца серыя сустрэч Прэзідэнта Беларусі Аляксандра Лукашэнкі з замежнымі гасцямі. У аўторак беларускі лідар сустрэўся з дэлегацыяй Панафрыканскага парламента на чале са старшынёй Фарчунам Зефаніяй Чарумбіра. Дэлегацыя працавала назіральнікамі на выбарах Прэзідэнта. А паколькі Беларусь актыўна пашырае сваю прысутнасць у Афрыцы, электаральнай кампаніяй размова з кіраўніком дзяржавы не абмежавалася. Тым больш, як звярнуў увагу Аляксандр Лукашэнка, гэта першы візіт такой прадстаўнічай дэлегацыі Панафрыканскага парламента ў нашу краіну.

Прэм’ер-міністр Беларусі Раман Галоўчанка знаходзіцца з рабочым візітам Алматы (Казахстан) 30-31 студзеня для ўдзелу ў пасяджэнні Еўразійскага міжурадавага савета, паведамляе БелТА.

І хоць мінулыя прэзідэнцкія выбары — факт, які адбыўся, іх вынікі і безумоўная перамога дзеючага Прэзідэнта Аляксандра Лукашэнкі з падтрымкай 86,82 % выбаршчыкаў, якія прынялі ўдзел у галасаванні, — яшчэ доўга будзе бударажыць нашых заходніх апанентаў. Жартачкі вам: пасля ўзрушэнняў 2020-га беларусы зрабілі высновы і спакойна і ўзважана абралі свой шлях развіцця. Пра акцэнты цяперашняй электаральнай кампаніі пагаварылі з экспертамі.

Кіраўніком дзяржавы прынята рашэнне аб падаўжэнні праграмы крэдытавання грамадзян Беларусі на набыццё айчынных легкавых аўтамабіляў BELGEE. Указ падпісаны 28 студзеня.

28 студзеня ў Гомельскім раёне на пункце пропуску «Новая Гута», які не функцыянуе два гады, было незвычайна мнагалюдна. Сюды прыехалі прыкладна 60 журналістаў з дзевяці краін. Карэспандэнты, якія жадалі ўбачыць на свае вочы рэальную абстаноўку на граніцы Беларусі з Украінай і даведацца аб службе беларускіх пагранічнікаў, атрымалі ўнікальную магчымасць зрабіць гэта. Прыехалі на паўднёвую граніцу і карэспандэнты БелТА.

Гісторыя гэтай найстарэйшай айчыннай асабліва ахоўнай прыроднай тэрыторыі цесна звязана з экспедыцыяй заолага, прафесара Беларускага дзяржаўнага ўніверсітэта Анатоля Фядзюшына ў вярхоўі Бярэзіны. Там, сярод загадкавых балот, магутных бароў і карункавага сеціва лясных рэчак і ручаёў, навукоўцы знайшлі амаль знішчаны ў нашай краіне від — баброў. Каб захаваць экасістэму гэтага «страчанага свету» і аднавіць папуляцыю самага буйнога грызуна Еўразіі, 100 гадоў таму, 30 студзеня 1925-га, быў створаны Бярэзінскі біясферны запаведнік. Падрабязней аб найбольш значных кірунках яго дзейнасці расказаў дырэктар запаведніка Андрэй Пракошын.

Больш за чвэрць валавога ўнутранага прадукту ў Беларусі фарміруе прамысловасць. Цяжкая прамысловасць, у прыватнасці машынабудаванне і станкабудаванне, вытворчасць прадуктаў харчавання і напояў, нафтапрадуктаў, гумавых, пластмасавых вырабаў і будаўнічых матэрыялаў, хімічная і фармацэўтычная галіны, дрэваапрацоўка, лёгкая прамысловасць, робяць найбольш важкі ўнёсак у эканоміку краіны. Сёлета на айчынных прадпрыемствах працягваецца работа, пачатая ў Год якасці, па мадэрнізацыі і аўтаматызацыі вытворчасці, укараненні новых тэхналогій і інавацыйных рашэнняў.

Колькасць шкодных выкідаў ад мабільных крыніц у сталіцы ўстойліва скарачаецца, а доля электратранспарту, які ўдзельнічае ў пасажырскіх перавозках, складае ўжо 56,6 %, заявіў старшыня Мінскага гарадскога камітэта прыродных рэсурсаў і аховы навакольнага асяроддзя Валянцін Шатраўка на выніковай калегіі ведамства.