Сеткавае выданне zviazda.by

Абарона працоўных правоў і адрасная дапамога работнікам — нязменны прыярытэт у дзейнасці Беларускага прафсаюза работнікаў гандлю, спажывецкай кааперацыі і прадпрымальніцтва. Ключавыя вынікі гэтай работы за 2025 год абмеркавалі на пасяджэнні прэзідыума галіновага прафсаюза.

У Федэрацыі прафсаюзаў Беларусі падвялі вынікі работы грамадскіх прыёмных, якія кожны тыдзень прымаюць звароты ад грамадзян па сітуацыі на спажывецкім рынку. Прыняты і разгледжаны 239 зваротаў, якія датычацца заўваг і прапаноў у сферы тавараў і паслуг. Пры гэтым большасць з іх разгледжаны з выездам на месца.

Традыцыйная XVII зімняя абласная спартакіяда работнікаў жыллёва-камунальнай гаспадаркі зноў прадэманстравала, што ў гэтай галіне працуюць мэтанакіраваныя і фізічна падрыхтаваныя людзі. 250 чалавек у складзе 18 каманд самааддана змагаліся ў Магілёве за спартыўны прэстыж сваіх арганізацый. Настольны тэніс, більярд, дартс, плаванне, гіравы спорт, стральба — у кожным відзе спорту ішла дынамічная бескампрамісная барацьба на вынік. Усе гульцы паказалі волю да перамогі, упартасць і добрыя спартыўныя навыкі. Мацнейшай камандай, якая прадставіць Магілёўскую вобласць на рэспубліканскай спартакіядзе ў лютым, стала зборная «Магілёўаблводаканала». Другое і трэцяе месцы заваявалі каманды Бялыніцкага «Жылкамгаса» і Клімавіцкага УКП «Камунальнік» адпаведна. 

Маляўнічыя абшары Лагойшчыны сталі арэнай яркага спартыўнага свята «Прафсаюзная лыжня — 2026». Месцам правядзення спаборніцтваў, яркіх спартыўных перамог і сапраўднага яднання стала спартыўна-аздараўленчая база «Заечая паляна».

У перыяд навагодніх і калядных свят дабрачынная акцыя «Ад усёй душы» ахапіла ўсе рэгіёны краіны. Традыцыйна да яе далучыліся прафсаюзныя арганізацыі ўсіх узроўняў, накіраваўшы сваю падтрымку тым, хто ў ёй мае патрэбу.

У Федэрацыі прафсаюзаў Беларусі прааналізавалі практыку калектыўна-дагаворнай кампаніі за мінулы год. Адна з асноўных высноў: з кожным годам дзякуючы калектыўным дагаворам усё больш работнікаў могуць разлічваць на дадатковыя бонусы і гарантыі: стымулюючыя выплаты, матэрыяльную дапамогу, прадастаўленне жылля (інтэрнат, арэнднае жыллё і інш.), кампенсацыю найму жылога памяшкання, аздараўленне і санаторна-курортнае лячэнне, падтрымку работнікам з сямейнымі абавязкамі і маладым спецыялістам, дадатковыя праграмы пенсіённага і медыцынскага страхавання і многае іншае.

Надвор’е па-ранейшаму выпрабоўвае беларусаў на трываласць: снежны цыклон змяніўся моцнымі маразамі, якія трымацца ўжо практычна тыдзень. І ўвесь гэты час, нягледзячы на кліматычныя ўмовы, работнікі жыллёва-камунальнай гаспадаркі прадаўжаюць работы па прыборцы снегу.