Сеткавае выданне zviazda.by

Прэзідэнт Беларусі Аляксандр Лукашэнка ад імя суайчыннікаў і сябе асабіста павіншаваў Прэзідэнта Венгрыі Тамаша Шуёка, прэм'ер-міністра Віктара Орбана і ўсіх грамадзян гэтай краіны з нацыянальным святам - Днём Святога Іштвана. Пра гэта паведамілі ў прэс-службе беларускага лідара.

«Агульнасць падыходаў да суверэнітэту і незалежнасці разам з клапатлівым стаўленнем да нацыянальнай ідэнтычнасці, духоўнай спадчыны і традыцый сваіх дзяржаў — гэта тое, што здаўна аб’ядноўвае нашы народы і стварае перадумовы да паглыблення двухбаковага культурна-гуманітарнага ўзаемадзеяння», — гаворыцца ў віншаванні Прэзідэнту Венгрыі.

Аляксандр Лукашэнка падкрэсліў, што Беларусь высока цэніць імкненне Венгрыі да міру і згоды ў Еўропе. Беларускі лідар упэўнены, што Мінск і Будапешт здольныя ўнесці сумесны ўклад ва ўмацаванне рэгіянальнай бяспекі, ролі міжнароднага права і ўстойлівай стратэгічнай стабільнасці. «Спадзяюся, што супрацоўніцтва паміж нашымі краінамі будзе і ў далейшым развівацца на аснове прагматызму, узаемнай падтрымкі і даверу», — дадаў ён.

У віншаванні Прэм’ер-міністру Венгрыі Прэзідэнт Беларусі адзначыў, што гэтае свята, Дзень Святога Іштвана, увасабляе глыбокія карані венгерскай дзяржаўнасці, духоўнае адзінства народа і яго гістарычную мудрасць, якая на працягу стагоддзяў дапамагае краіне рухацца шляхам незалежнага развіцця.

«Мінск шануе дружалюбныя і прагматычныя адносіны з Будапештам. Мы падтрымліваем каналы камунікацыі і працягваем узаемакарыснае супрацоўніцтва дзеля росту дабрабыту нашых грамадзян, — гаворыцца ў віншаванні. — Упэўнены, што рэзультатыўны дыялог на афіцыйным узроўні, добразычлівыя сувязі паміж беларусамі і венграмі будуць і надалей спрыяць пашырэнню двухбаковага супрацоўніцтва, у тым ліку ў галінах атамнай энергетыкі, сельскай гаспадаркі, культуры і спорту, а таксама на пляцоўках міжнародных арганізацый».

Пра тое, якое надвор’е будзе ў Беларусі ў сераду, 20 жніўня, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У Беларусі пачаўся масавы збор грыбоў, але ўрачы Жлобінскага занальнага цэнтра гігіены і эпідэміялогіі папярэджваюць: сярод лясных дароў ёсць грыбы, якія здольныя назапашваць радыяцыю, паведамляе «Мінская Праўда».

У сувязі са штогадовым змяненнем пасажырапатоку графікі руху некаторых прыгарадных маршрутаў Мінска зменяцца з 1 верасня. Новы расклад будзе дзейнічаць па будных днях, паведамляе «Мінсктранс».

Міжнародныя літаратурныя сувязі займаюць усё большую прастору ў творчым пісьменніцкім працэсе. Гэта выяўляецца ў многіх ініцыятывах сяброў Саюза пісьменнікаў Беларусі. Адпаведна гэтаму і ацэнка ў свеце. 

Мінскі метрапалітэн пераходзіць на зімовы рэжым работы з 25 жніўня, паведамляе БелТА.

Здавалася б, якая глыбокая цікавасць можа быць у далёкага Вашынгтона, з наймагутнейшай эканомікай, у такой невялікай краіне, як Беларусь? Аднак амерыканскі лідар не проста палітык, а прадпрымальнік. Да мозга касцей. І перспектывы ў нашай краіне ён бачыць. Хоць, магчыма, і не раскрывае ўсе карты на стале складанага пасьянса міжнароднай палітыкі і геаэканомікі — прынамсі, логіка папярэдніх дзеянняў амерыканскай адміністрацыі паказвае, што наша геаграфічнае становішча разам з цалкам прыязнай палітыкай (наколькі гэта ў цэлым магчыма) валодаюць сур’ёзным лагістычным патэнцыялам. А такія праекты вельмі прывабліваюць Белы дом.

Год добраўпарадкавання — час навучыць усіх і кожнага пастаянна падтрымліваць парадак на тэрыторыі сваёй арганізацыі, асабістага двара, вуліцы, вёскі і горада. Як рэалізуецца гэта задача ў Гродзенскай вобласці, абмеркавалі на выязным пасяджэнні часовай камісіі на прыкладзе Шчучынскага раёна, перадае БелТА.

Беларусь паступова і ўпэўнена фарміруе ўласную аўтамабільную прамысловасць, арыентаваную на інавацыі і якасць. Калі яшчэ некалькі дзесяцігоддзяў таму аўтамабілебудаванне асацыявалася перш за ўсё з цяжкай тэхнікай і грузавікамі, то сёння сітуацыя зусім іншая. Краіна стварыла прадпрыемствы, што выпускаюць канкурэнтаздольныя легкавыя аўтамабілі, якія адпавядаюць сусветным стандартам і запытам пакупнікоў.