Навiны
Міністр сельскай гаспадаркі Юрый Горлаў праінспектаваў ход жніва ў Магілёўскай вобласці
Міністр з рабочым візітам наведваў Быхаўскі, Кіраўскі і Бабруйскі раёны. Падчас знаходжання ў Быхаўскім раёне ён паназіраў за тэмпам ўборачнай кампаніі на палетках гаспадаркі СК «Дуброва» ААТ «Магілёўліфтмаша» і ўручыў Падзякі перадавікам — трактарыстам-машыністам Яўгену Нікітіну і Аляксандру Зычкову.
Людміла Сапега, член Пастаяннай камісіі Савета Рэспублікі па заканадаўстве і дзяржаўным будаўніцтве: Трэба ісці насустрач адзін аднаму і дамаўляцца
Каментуючы вынікі перагавораў Уладзіміра Пуціна і Дональда Трампа, якія завяршыліся на Алясцы, Людміла Сапега нагадвае словы Прэзідэнта Беларусі, сказаныя ім падчас нядаўняга інтэрв’ю амерыканскаму часопісу «Тайм»: Калі мы хочам дасягнуць трывалага міру, трэба перастаць абменьвацца папрокамі, а, з улікам узаемных інтарэсаў, ісці насустрач адзін аднаму і дамаўляцца.
Ігар Сяргееў, член Пастаяннай камісіі Савета Рэспублікі па заканадаўстве і дзяржаўным будаўніцтве: Да міру праз дыялог
Паводле слоў эксперта, сустрэча на Алясцы лідараў Расіі і ЗША, Уладзіміра Пуціна і Дональда Трампа, стане канструктыўным крокам да ўрэгулявання канфлікту ва Украіне, які доўжыцца больш за 11 гадоў. Дыялог наспеў ужо даўно. Мяркуючы па першых момантах — дужаму поціску рукі, добраму настрою, складу дэлегацый у фармаце па тры чалавекі з кожнага боку, стала зразумела: размова пойдзе ў рэчышчы забеспячэння міру і бяспекі. Паведамленне аб тым, што кіраўнікі дзяржаў ляцяць з камандай спецыялістаў па эканоміцы, гандлі і іншых сфер дзейнасці, дазволіла выказаць здагадку аб магчымасці адмены санкцый і развіцця двухбаковага супрацоўніцтва, а значыць — выканання першараднай задачы — ўрэгулявання канфлікту.
Андрэй Крываносаў: Мінск усё часцей успрымаецца як нейтральная перагаворная пляцоўка, здольная весці бесстаронні дыялог і з Захадам, і з Усходам
Андрэй Крываносаў, член Пастаяннай камісіі Савета Рэспублікі па міжнародных справах і нацыянальнай бяспецы расказаў, што тэлефонная размова Аляксандра Лукашэнкі і Дональда Трампа напярэдадні сустрэчы амерыканскага лідара з Уладзімірам Пуціным сведчыць аб росце ролі Беларусі ў міжнароднай палітыцы.
У наступным годзе будзе адзначацца векавы юбілей жывапісца, графіка і педагога Барыса Аракчэева
Сям’я заслужанага дзеяча мастацтваў пачала рыхтавацца да святкавання юбілею загадзя. Так, сёлета выйшла рускамоўная кніга «Барыс Аракчэеў. Ішлі эшалоны» — прысвячэнне 80-годдзю Вялікай Перамогі. Выданне дазваляе пазнаёміцца з тэматычнымі жывапісам і графікай аўтара. А зусім нядаўна ў Дзяржаўным літаратурна-мемарыяльным музеі Якуба Коласа нашчадкі Барыса Уладзіміравіча прэзентавалі каляндар на 2026 год «Мінск. Барыс Аракчэеў». Пра яго падрыхтоўку і вынік працы расказалі дачка творцы — мастачка ды ілюстратар Аксана Аракчэева і яе муж Хельмут Кіпхарт, які падтрымаў праект у тым ліку фінансава.
З 18 жніўня ўступаюць у сілу новыя правілы выплаты страхавых узносаў для ІП
Шпакоўскі: Абсалютна рабочай з’яўляецца формула, якая ўжываецца ў камунікацыі з амерыканцамі
Свет зрабіў крок назад ад прорвы пад назвай «Трэцяя Сусветная вайна». Такое меркаванне, каментуючы праведзеныя на Алясцы перагаворы прэзідэнтаў Расіі і ЗША Уладзіміра Пуціна і Дональда Трампа, а таксама вынікі тэлефонных размоў Прэзідэнта Беларусі Аляксандра Лукашэнкі з прэзідэнтам ЗША і прадстаўніком Белага дома, выказаў у сваім Telegram-канале палітычны аналітык, дэпутат Палаты прадстаўнікоў Аляксандр Шпакоўскі, паведамляе SB. by.
Гутарка Трампа з Зяленскім і лідарамі NATO была «няпростай»
Тэлефонная размова прэзідэнта ЗША Дональда Трампа з Уладзімірам Зяленскім, а таксама калегамі з ЕС можна ахарактарызаваць як цяжкая, паведамляе РИА Новости са спасылкай на Axios.
Інтэрв’ю Лукашэнкі Time набрала мільёны праглядаў
Інтэрв’ю Аляксандра Лукашэнкі амерыканскаму журналісту Шустэру набрала мільёны праглядаў. Толькі на YouTube-старонках тэлеканалаў і радыёстанцый сумарна 14 мільёнаў 916 тысяч праглядаў. Яшчэ паўтара мільёна — у TikTok, паведамляе СТВ.
Да 24 жніўня ў прасторы ZAL#2 можна пазнаёміцца з выставачным праектам «Vuž. Вобраз змяі ў сучасным беларускім мастацтве»
Куратар Кацярына Янкоўская сабрала разам творы, аб’яднаныя шматзначным сімвалам. Свае работы дэманструюць Кацярына Коўзусь, Фёдар Шурмялёў, Уладзімір Клімушка, Вольга Мельнік-Малахава, Андрэй Пяткевіч ды іншыя аўтары.
