Сеткавае выданне zviazda.by

Па даных Нацыянальнага статыстычнага камiтэта па вынiку сакавiка 2025 года прырост iндэкса спажывецкiх цэн склаў у гадавым выражэннi 5,9 % (за аналагiчны перыяд мiнулага года — 5,6 %).

Прэм’ер-міністр Аляксандр Турчын днямі падпісаў пастанову Саўміна № 713 (6) «аб сістэме рэгулявання цэн». Нагадаем, дакумент у першай рэдакцыі з’явіўся ў 2022 годзе як адказ на істотны рост інфляцыі ў краіне. З цягам часу ён перажываў змены, апошняя яго карэкціроўка адбылася 2 красавіка. Што змянілася?

Міністэрства антыманапольнага рэгулявання і гандлю ва ўзаемадзеянні з абласцямі, Мінскім гарадскім, раённымі выканаўчымі камітэтамі праводзяць кантрольныя мерапрыемствы ў аб’ектах гандлю па пытанні выканання заканадаўства аб гандлі і абароне правоў спажыўцоў пры рэалізацыі бульбы, расказалі ў профільным міністэрстве.

Калі ў пачатку 2022 года ў Беларусі было зарэгістравана амаль 28 тысяч інтэрнэт-крам, то сёлета іх ужо амаль 31 тысяча. Інтэрнэт-гандаль займаў у тавараабароце ў 2024 годзе 8,1 % (для параўнання ў 2022 годзе — 5,4 %).

За мінулы год Міністэрствам антыманапольнага рэгулявання і гандлю, а таксама выканкамамі было разгледжана звыш 10 тысяч зваротаў спажыўцоў, што на 7 % больш, чым у 2023-м.

У 2025 годзе ў Беларусі будуць распрацаваны 326 стандартаў (у тым ліку 130 ДАСТ) і змяненняў да дзеючых стандартаў у розных галінах эканомікі і сацыяльнага сектара — у прыватнасці ў галіне беспілотных транспартных сродкаў, лёгкай і харчовай прамысловасці.

Адной з ключавых задач з’яўляецца развіццё справядлівай канкурэнцыі з улікам захавання ў роўнай ступені інтарэсаў нашых грамадзян, вытворцаў і гандлю. Аб гэтым заявіў міністр антыманапольнага рэгулявання і гандлю Артур Карповіч падчас пасяджэння калегіі ведамства, паведаміла БелТА.

На мінулым тыдні мы пісалі пра тое, што профільнае міністэрства зазірнула ў гандлёвую сетку «Суседзі» і выявіла шэраг парушэнняў. На гэтым — МАРГ апублікаваў інфармацыю аб выніках кантрольна-аналітычных мерапрыемстваў у гандлёвай сетцы «Капеечка» і ўвагі да інтэрнэт-крамы «Вайлдберыз».

Днямі мы інфармавалі аб праведзеным апытанні МАРГ спажыўцоў адносна праблем, якія ўзнікаюць пры безнаяўнай аплаце тавараў і паслуг, замовах у інтэрнэт-крамах. У апытанні пацвярджалася наяўнасць асобных праблем з сувяззю ў сельскай мясцовасці пры аплаце тавараў банкаўскай картай у крамах і аўтакрамах, афармленні заказу і (або) аплаце тавараў у інтэрнэт-крамах, а таксама пры аплаце паслуг праз інтэрнэт з выкарыстаннем сетак сотавай сувязі.