Сеткавае выданне zviazda.by

У Мар’iнагорскім аграрна-тэхнічным каледжы добрай традыцыяй сталі сустрэчы з пісьменнікамі краіны. Будучыя механікі, аграномы, электрамеханікі, якія заўтра прыйдуць на працу ў розныя прадпрыемствы АПК краіны, атрымліваюць добры ўрок духоўнага выхавання праз знаёмства з мастацкімі вобразамі і сімваламі ў творах сучасных паэтаў і празаікаў. 

Праект-даследаванне керамікі як жывога працэсу працуе ў галерэі DK. Выстаўка «Зрушэнне» Алёны Ліпінскай і Сяргея Арышчэнкі прапануе наведвальнікам паглыбіцца ў чароўны свет керамікі, дзе звычайная матэрыя змяняе форму і сэнс знаёмых прадметаў побыту, якія выходзяць за межы ўтылітарнасці і становяцца мастацтвам.

У Беларусi рэалiзуецца шмат дзяржаўных праграм, накiраваных на паляпшэнне сацыяльнай падтрымкi дзяцей. Асаблiвая ўвага надаецца здароўю падрастаючага пакалення. Прадугледжаны дадатковыя медыцынскiя агляды для ранняга выяўлення паталогiй, палепшана праграма рэабiлiтацыi i санаторнага лячэння дзяцей з хранiчнымi захворваннямi. Як гэта прымяняецца на практыцы, карэспандэнт «Звязды» паназiрала на прыкладзе дзiцячага санаторыя ў аграгарадку Свiслач Асiповiцкага раёна.

Першае, што бачыць пасажыр з акна цягніка, які прыбывае на чыгуначную станцыю Асіповічы, — абеліск з бюстам аднаго з самых яскравых тутэйшых барацьбітоў з карычневай навалай Фёдара Крыловіча. У метале ён грозны і непадступны: цвёрды позірк, валявы твар — сапраўдны сімвал непахіснасці і мужнасці.

Шэраг задач, якія Старшыня Палаты прадстаўнікоў Ігар Сергяенка паставіў перад парламентарыямі і супрацоўнікамі Сакратарыята Палаты прадстаўнікоў, звязаны з узмацненнем выканальніцкай дысцыпліны (у адпаведнасці з Дырэктывай Прэзідэнта № 11). Акрамя таго, абмеркаваны прапановы аб абнаўленні Дырэктывы Прэзідэнта ад 31 снежня 2010 года № 4 «Аб развіцці прадпрымальніцкай ініцыятывы і стымуляванні дзелавой актыўнасці ў Рэспубліцы Беларусь». Асобная ўвага на пасяджэнні была нададзена вывучэнню практыкі прымянення заканадаўства і ўзаемадзеяння з мясцовымі органамі ўлады, стварэнню Маладзёжнага савета пры Палаце прадстаўнікоў. Падрабязна абмеркаваны мерапрыемствы з удзелам дэпутатаў як унутры краіны, так і на знешнім контуры.

Ужо даўно заўважана, што найлепшы раманіст — жыццё: толькі паспявай занатоўваць. Ды не ўсе гэта робяць. А Віктар Шніп няспынна фіксуе падзеі, сустрэчы, высновы і тым самым складае своеасаблівую хроніку, якая пасля становіцца мастацкім творам, як чарговы дзённікавы раман паэта «Заўтра была адліга — 5», што пабачыў свет у Выдавецкім доме «Звязда» акурат да 65-годдзя творцы. У чым каштоўнасць дзённіка, як ён яднае паэзію і прозу і чаму адна не можа без другой — у нашай гутарцы.

Тэма сямейнага гвалту час ад часу ўзнікае на старонках і рэсурсах СМІ, яе ўздымаюць на адпаведных мерапрыемствах; бывае, спецыялісты праводзяць гутаркі ў маладзёжнай альбо іншай аўдыторыі. У апошні час мы жывём, быццам бы побач нічога падобнага няма, бо ўсе гэтыя агідныя рэчы здзяйсняюцца за закрытымі дзвярыма, схаваныя ад чужых вачэй. А між тым адны толькі праваахоўнікі Брэсцкай вобласці кожны дзень у сярэднім атрымліваюць 20 паведамленняў аб фактах сямейнага гвалту.

У многім аблічча сучаснага літаратурнага працэсу вызначаюць перыядычныя літаратурна-мастацкія выданні: найперш — «Полымя», «Маладосць», «Нёман». Чытачу заўсёды цікава, якімі будуць наступныя нумары гэтых часопісаў. Пра «Полымя» ў 2025 годзе — наша размова з галоўным рэдактарам Віктарам Шніпам.

19 лютага нядобрасумленныя інфармацыйныя рэсурсы літаральна захлыналіся чарговай высмактанай з пальца «сенсацыяй»: «Асіповічы засталіся без вады», «у горадзе гуманітарная катастрофа», «улада бяздзейнічае»... Але, ведаючы іх «аб’ектыўнасць», верыць гэтаму не даводзіцца. І насамрэч усё было зусім па-іншаму.

Раённае свята «Дзень кнігі» адбылося ў Гімназіі горада Дзяржынска. Арганізатарам фестываля, які прыцягнуў увагу сотняў школьнікаў (і нават дашкольнікаў!) і іх бацькоў, усіх кіраўнікоў устаноў адукацыі Дзяржыншчыны, стала ўпраўленне па адукацыі, спорту і турызму Дзяржынскага райвыканкама.