Сеткавае выданне zviazda.by

Акцыя, якая абышла Беларусь, набірае абароты ў Мінску. Ад дзяцей да прадпрыемстваў — усе ахоплены яе энергіяй. Учора ў Мінскім дзяржаўным палацы дзяцей і моладзі адбылося ўзнагароджанне пераможцаў мінскага этапу адкрытага конкурсу малюнка навучэнцаў пачатковых класаў «Мы разам» і рэспубліканскага конкурсу сачыненняў на тэму «Што такое адзінства». Калектывы «Мінскага метрапалітэна» і «Мінскметрабуда» абмяняліся падарункамі і пагутарылі на агульныя тэмы ў рамках сустрэчы «Адну справу робім!». Мінскі трактарны завод напоўніўся галасамі Ірыны Дарафеевай, гурта «PRавакацыя» і іншых зорак — удзельнікаў праекта «Разам працуем, разам спяваем!». Незабыўныя сустрэчы і падзеі — па самых розных адрасах...

За ўрачыстасцю назвы — эпоха беларускага мастацтва. І яе знакавыя і вельмі ўплывовыя асобы — творцы, якія ў апошнія трыццаць гадоў ажыццявілі значныя праекты альбо вылучыліся ўласнымі работамі. Аптымістычная «Восень» героя Беларусі Міхаіла Савіцкага — яна дыхае жыццём! Народны мастак Беларусі Аляксандр Кішчанка, які быў найбольш вядомы сваімі манументальнымі габеленамі, прадстаўлены невялікім жывапісным палатном «Дождж».

Адной з навінак «Марафона адзінства» стала медыцынская выстаўка «Беларусь. Медыцына. Будучыня». Яна праходзіць з 21 па 25 студзеня ў Мінску ў Беларускім дзяржаўным медыцынскім універсітэце. І для ўсіх ахвотных гэта магчымасць убачыць будучыню медыцыны, якая мяняецца на нашых вачах.

Сістэме аховы здароўя ў нашай краіне надаецца асаблівая ўвага. Беларуская медыцына ні ў чым не саступае замежнай. Гэта пацвярджаюць шматлікія ўнікальныя аперацыі, а таксама нярэдкае адкрыццё і рэканструкцыя медыцынскіх устаноў сусветнага ўзроўню. Так, для павышэння якасці аказання медыцынскай дапамогі Мінскім гарвыканкамам было прынята рашэнне аб мадэрнізацыі 2-й цэнтральнай паліклінікі. І 18 студзеня, Фрунзенскі раён атрымаў выдатны аб’ект са спецыялізаванымі аддзяленнямі і самым сучасным медыцынскім абсталяваннем.

У Мінску на наступным тыдні пройдзе фінальны этап рэспубліканскай грамадска-культурнай акцыі «Марафон адзінства». Жыхароў і гасцей сталіцы чакае больш як 70 яркіх падзей, уключаючы канцэрты, майстар-класы і ўнікальныя праекты, якія будуць праходзіць штодзень з панядзелка па нядзелю. Аб гэтым БелТА расказала кіраўнік рабочай групы па арганізацыі і правядзенню «Марафона адзінства» Ганна Лукашэнка.

Да рэканструкцыі ў будынку размяшчаўся корпус рэабілітацыі. Працавала дзіцячая рэанімацыя, але знаходзілася яна ў непрыстасаваных умовах, займала толькі палову паверха. Цяпер, калі гэта ўжо педыятрычны комплекс, пад дзіцячую рэанімацыю адведзены ўвесь паверх. «Гэта дазволіла павялічыць ложкавую магутнасць рэанімацыі і ўзяць на сябе 80-90 % усіх заўчасных родаў у Мінскай вобласці», — расказаў галоўны ўрач установы Пётр Масько.

У атрыуме гандлёвага цэнтра «Сталіца» праходзіць унікальны інфармацыйна-асветніцкі праект «Адкрытае веданне». У якасці спікераў выступаюць аўтарытэтныя эксперты, расказваюць пра асаблівасці сённяшняй электаральнай кампаніі і пра тое, чаму так важна прыйсці на выбары.

Заснаваны ў 1945 годзе Мінскі мотавелазавод за сваю вялікую гісторыю бачыў многае. Прадпрыемства памятае росквіт, нездарма ж брэнды «АИСТ» і «МІНСК» вядомыя ва ўсім свеце яшчэ з савецкіх часоў. У багатай гісторыі ёсць і чорныя палосы, выхад з якіх шукалі не адзін год. Варыянтаў, што рабіць з прадпрыемствам, было шмат. Сярод іх нават была прапанова поўнасцю знесці вытворчыя аб’екты і пабудаваць на гэтай тэрыторыі жылыя дамы. Але Прэзідэнт Беларусі Аляксандр Лукашэнка катэгарычна гэта забараніў і заявіў, што на гэтым месцы павінна быць толькі вытворчасць. І вытворчасць высокатэхналагічная і чыстая, што надзвычай важна для сталіцы. «Трэба зрабіць узорны тэхнапарк і на яго ўзор развіваць у іншых гарадах і месцах», — такую задачу паставіў кіраўнік дзяржавы ў сакавіку 2021 года.

Па традыцыі наведвання прадпрыемстваў, кіраўнік дзяржавы паразмаўляў з калектывам. «Вельмі рады, што, напэўна не дарма мы задумалі гэтую бітву, пачынаючы з аднаўлення Мотавелазавода і заканчваючы тым, што тут ужо 140 кампаній будуць працаваць і вырабляць патрэбную тэхніку», — прывітаў ён супрацоўнікаў Мотавелазавода і работнікаў прадпрыемстваў-рэзідэнтаў тэхнапарка.

Сяргей Алейнік правёў асабісты прыём грамадзян, у тым ліку індывідуальных прадпрымальнікаў, іх прадстаўнікоў і прадстаўнікоў юрыдычных асоб.