Сеткавае выданне zviazda.by

Адкрываючы чарговае пасяджэнне другой сесіі Палаты прадстаўнікоў, Старшыня Палаты прадстаўнікоў Ігар Сергяенка нагадаў, што 25 сакавіка дэпутаты сталі сведкамі і ўдзельнікамі падзеі гістарычнай значнасці. Інаўгурацыя Прэзідэнта Рэспублікі, па яго словах, азнаменавала сабой завяршэнне працэсу маштабных грамадска-палітычных пераўтварэнняў — краіна ўступіла ў новы этап свайго развіцця.

Чарговае пасяджэнне другой сесіі Палаты прадстаўнікоў Нацыянальнага сходу Рэспублікі Беларусь восьмага склікання адбудзецца 2 красавіка пад старшынствам спікера Ігара Сергяенкі. Аб гэтым паведамляе БелТА са спасылкай на прэс-службу Палаты прадстаўнікоў.

У Авальнай зале Дома ўрада пад кіраўніцтвам Старшыні Палаты прадстаўнікоў Ігара СЕРГЯЕНКІ прайшоў семінар на тэму «Акутальныя пытанні прымянення заканадаўства Рэспублікі Беларусь аб ахове і выкарыстанні зямель на сучасным этапе». На ім дэпутаты Палаты прадстаўнікоў, члены Савета Рэспублікі, кіраўнікі рэспубліканскіх мясцовых органаў улады, прадстаўнікі судзейскага корпуса абмеркавалі даволі аб’ёмны спектр пытанняў, прааналізавалі дзеянні нормаў заканадаўства аб ахове і выкарыстанні зямель, прымяненне зямельнага заканадаўства, рэалізацыю норм і многае іншае.

Зона адказнасці члена Пастаяннай камісіі па прамысловасці, энергетыцы, транспарце, сувязі і лічбавым развіцці Палаты прадстаўнікоў — Бабруйская сельская выбарчая акруга № 80. Гэта частка Першамайскага раёна горада на Бярэзіне, а таксама Бабруйскі і Кіраўскі раёны, дзе пражывае амаль 57 тысяч выбаршчыкаў. Якія праблемы іх турбуюць, чым адметнае жыццё ў рэгіёне, чаго не хапае тутэйшай моладзі, наколькі ініцыятыўнае і актыўнае насельніцтва тут жыве, дэпутат расказвае ў нашай рубрыцы.

Уладзімір Паўлоўскі, нягледзячы на свае 30 гадоў, мае вялікі вопыт грамадскай дзейнасці. Быў кіраўніком Горацкага райкама БРСМ, потым абласнога камітэта гэтай арганізацыі, уваходзіў у склад Маладзёжнай палаты пры Парламенцкім сходзе Саюза Беларусі і Расіі. Сёння ў якасці дэпутата Палаты прадстаўнікоў клапоціцца пра дабрабыт жыхароў Горацкай выбарчай акругі № 82. Для яго гэты раён вельмі блізкі і зразумелы, бо тут яго малая радзіма.

Просьбы расказаць аб сваіх праблемах, прапановы накіраваць свае пытанні службовым асобам, аператыўныя звесткі аб рабоце дэпутатаў, сустрэчах з замежнымі калегамі — усім гэтым напоўненыя сацыяльныя сеткі Паўла Папко, члена Пастаяннай камісіі па міжнародных справах Палаты прадстаўнікоў. Народныя выбраннікі сцвярджаюць, што праца з насельніцтвам для іх — прыярытэт. Дык чаму б не выкарыстоўваць у гэтай справе і інтэрнэт-рэсурсы?

У першым чытанні на сесіі Палаты прадстаўнікоў разгледжаны законапраект «Аб змяненні законаў па пытаннях забеспячэння правоў дзяцей», якім узмацняюцца гарантыі дзяржаўнай абароны правоў і законных інтарэсаў дзяцей. Акрамя таго, істотныя змяненні чакаюцца ў сферы рэгулявання аўдытарскай дзейнасці. Аднак перш чым прыступіць да абмеркавання вынесеных на разгляд дэпутатаў законапраектаў, Старшыня Палаты прадстаўнікоў Ігар СЕРГЯЕНКА агучыў перад парламентарыямі шэраг задач. Асноўны пасыл — дэпутацкі корпус павінен актыўна падключыцца да інфармавання грамадскасці яшчэ на этапе распрацоўкі заканадаўчых ініцыятыў.

У асноўны дзень галасавання на ўчастках пануюць урачыстасць і святочная атмасфера. Такой думкай з журналістамі падзяліўся старшыня Палаты прадстаўнікоў Нацыянальнага сходу Беларусі Ігар Сергяенка, перадае БелТА.

Незвычайную ініцыятыву пад назвай «Чароўны клубочак» рэалізавалі парламентарыі разам з грамадскай арганізацыяй «Беларускі саюз жанчын» па збору нітак для пастаяльцаў Свірскага сацыяльнага пансіяната «Маяк». Дзякуючы дэпутатам парламента Галіне Бяляевай і Наталлі Тарасенкі, акцыя знайшла вялікі водгук і ў жыхароў Кастрычніцкага раёна Магілёва.

Старшыня Палаты прадстаўнікоў сустрэўся з калектывамі Шаркаўшчынскага вытворча-збытавога ўчастка філіяла «Энергазбыт» РУП «Віцебскэнерга», Шаркаўшчынскай раённай энергагазаінспекцыі філіяла Дзяржэнерганагляду па Віцебскай вобласці і Шаркаўшчынскага раёна электрычных сетак філіяла Глыбоцкіх электрычных сетак РУП «Віцебскэнерга». Спікер падзякаваў энергетыкам раёна за актыўны ўдзел у парламенцкіх выбарах мінулага года і распавёў аўдыторыі аб рабоце парламента.