Сеткавае выданне zviazda.by

Гэта без перабольшання знакавая падзея для ўсіх беларусаў супала з юбілейнай датай найстарэйшага гістарычнага факультэта БДУ — яго 90-годдзем. У летапісе галоўнага ўніверсітэта краіны гэты корпус заўжды значыўся першым: сам будынак быў пабудаваны ў другой палове ХІХ стагоддзя, яго перадача Белдзяржуніверсітэту адбылася ў першы год існавання БДУ. У 1921 тут адбылася першая ў гісторыі ВНУ лекцыя. І, нарэшце, у гэтым будынку працаваў і нейкі час жыў легендарны першы рэктар БДУ Уладзімір Пічэта.

З года ў год расце прэстыж сельскагаспадарчых прафесій, і нездарма, бо сёння краіна будуе сучасныя малочнатаварныя комплексы, аўтаматызуе вытворчыя працэсы на прадпрыемствах, а сучасныя камбайны па ўзроўні камфорту ўвогуле могуць паспаборнічаць з навінкамі легкавога аўтапрама. Тым не менш, любоў да працы на зямлі і ўсведамленне важнасці аграрнай галіны ў развіцці Беларусі трэба прывіваць з дзяцінства. Гэтым паспяхова займаюцца педагогі Параф’янаўскай сярэдняй школы, што ў Докшыцкім раёне.

Валаконна-аптычны лазерны комплекс для навучання студэнтаў-фізікаў мае ўнікальную адкрытую структуру для навочнага вывучэння працэсаў генерацыі лазернага выпраменьвання, фізікі лазераў і нанафатонікі для якаснай і глыбокай падрыхтоўкі спецыялістаў у галіне сучасных лазерных тэхналогій.

Новы практыка-арыентаваны корпус Беларускага дзяржаўнага медыцынскага ўніверсітэта дасць магчымасць павысіць стандарты і эфектыўнасць медыцынскай адукацыі.

Свой часовы камфартабельны дом падзеляць студэнты двух універсітэтаў — БНТУ і БДТУ. Новы, з іголачкі, будынак па архітэктуры пераклікаецца са знакамітым навучальным корпусам БНТУ, які знаходзіцца побач, а ўнутры проста «дыхае» камфортам. Блокі з пакоямі на 2 або 3 месцы, у кожным — асобныя кухня, санвузел і душавы пакой. Ёсць у інтэрнаце спартыўная і трэнажорная залы, пральня, кафэ і іншыя сучасныя выгоды, якія можна пералічваць вельмі доўга, як, зрэшты, і апісваць эмоцыі студэнтаў, якія толькі ўсяліліся ў новае жыллё.

Настаўнік быў і застаецца апорай дзяржавы. Вядома, з якой павагай я стаўлюся да вашай працы. Пытанні сацыяльнай падтрымкі настаўнікаў, умацавання станоўчага іміджу педагога і школы — прыярытэтны кірунак нашай палітыкі. І праца ў гэтай сферы будзе працягнута. Да 2025 года мы выраўняем заработную плату работнікаў адукацыі з сярэдняй па краіне.

У сталічнай сярэдняй школе № 64 працуе спартыўны ваенна-патрыятычны клуб «Сірыус». Яго дзейнасць арганізавана пад эгідай Міністэрства абароны. Цеснае супрацоўніцтва Беларускай дзяржаўнай акадэміі авіяцыі і ААТ «Пеленг» дасць магчымасць навучэнцам браць удзел у практычных занятках, набываць досвед кіравання беспілотнымі лятальнымі апаратамі, удасканальваць фізічную падрыхтоўку, атрымліваць навыкі картаграфіі, тактычнай медыцыны, арыентавання на мясцовасці ў экстрэмальных умовах.

Лола Рахімбаеўна Атаджанава нарадзілася і вырасла ў Туркменістане, але вось ужо шосты год жыве ў Беларусі, а трэці — працуе настаўніцай у сталічнай гімназіі № 36. Пра вучобу, выбар прафесіі і рашэнне застацца ў беларускай сталіцы дзяўчына расказала ў інтэрв’ю «Звяздзе».

Магілёўскі Беларуска-Расійскі ўніверсітэт і Санкт-Пецярбургскі дзяржаўны ўніверсітэт пачынаюць рэалізацыю шэрагу цікавых праектаў. Пра гэта паведаміла прарэктар БРУ па вучэбнай рабоце Наталля Валогіна. Стартам стала адкрыццё ў канцы года на базе БРУ беларуска-расійскага Цэнтра сучасных адукацыйных тэхналогій і гуманітарных навук. Гэта вынік падпісанага паміж ВНУ пагаднення падчас Х Форуму рэгіёнаў Беларусі і Расіі, які прайшоў у чэрвені 2023 года ў Башкартастане. Удзел у адкрыцці цэнтра браў прарэктар па міжнароднай дзейнасці СПДУ Сяргей Андрушын.