Сеткавае выданне zviazda.by

Разам сабраны нарысы, артыкулы, у якіх расказваецца пра лёс паселішчаў Брэсцкай воблаасці, якія былі спалены фашысцкімі карнікамі і іх памагатымі ў гады Вялікай Айчыннай вайны. Кніга падрыхтавана пад кіраўніцтвам рэдакцыйнай калегіі на чале з Таццянай Міхайлаўнай Гагакавай. Асновай выдання сталі публікацыі ў абласной газеце «Заря»: у 2024 годзе газета рэалізавала творчы даследчыцкі, публіцыстычны праект «Забвения не будет». У кнізе выкарыстаны фотаздымкі, прадастаўленыя Пракуратурай Брэсцкай вобласці, рэдакцыямі раённых газет Брэстчыны, абласной газеты «Заря».

На цырымоніі ўзнагароджання пераможцаў 8-й штогадовай прэміі ў галіне касметалогіі і медыцыны Belarus Beauty Awards «Звязда» запыталася ў аднаго з самых вядомых беларускіх спецыялістаў у галіне вытворчасці касметычных сродкаў, спікера міжнародных кангрэсаў па касметалогіі і медыцыне Людмілы Калацкай аб інавацыях у касметыцы і яе найноўшых інгрэдыентах. А таксама пра тое, ці бяспечна «гнацца за касметычнымі трэндамі».

Тэма сямейнага гвалту час ад часу ўзнікае на старонках і рэсурсах СМІ, яе ўздымаюць на адпаведных мерапрыемствах; бывае, спецыялісты праводзяць гутаркі ў маладзёжнай альбо іншай аўдыторыі. У апошні час мы жывём, быццам бы побач нічога падобнага няма, бо ўсе гэтыя агідныя рэчы здзяйсняюцца за закрытымі дзвярыма, схаваныя ад чужых вачэй. А між тым адны толькі праваахоўнікі Брэсцкай вобласці кожны дзень у сярэднім атрымліваюць 20 паведамленняў аб фактах сямейнага гвалту.

Добра паехаць у вёску да бабулі, калі на вуліцы цёпла і сонечна. А калі бабулі ўжо няма?.. Памяць пра яе заслалася, але бывае сумна, нават балюча ехаць туды, дзе цябе ніхто не чакае, не сустрэне. Пустуюць старыя хаты — збыць іх людзі не рашаюцца, а даглядаць няпроста, бо жывуць далёка. У такіх выпадках за справу бярэцца мясцовая ўлада. Здараецца, што пытанне паўстае рубам: быць ці не быць такому будынку на гэтай зямлі? Як ні дзіўна, канкрэтныя рашэнні могуць абудзіць інтарэс нашчадкаў да сваёй спадчыны. Так адбылося ў Бярозаўскім раёне на Брэстчыне.

Тыдзень таму кіраўніком дзяржавы перад АПК былі абазначаны канкрэтныя задачы: штогод нарошчваць вытворчасць прадукцыі на 5-6 %, збіраць не менш за 11 мільёнаў тон зерня; сёлета — вырабіць, захаваць і прадаць больш за 9 мільёнаў тон малака і больш чым два мільёны тон мяса, аб’ём экспарту ўтрымаць на пазіцыі 9 мільярдаў долараў. Задачы гэтыя вырашаюцца штодня, але ёсць дні асаблівыя, ад якіх залежыць тая самая канчатковая лічба. Веснавыя палявыя работы — якраз такія.

Што трэба ўлічваць пры барацьбе за ўраджай? Чаму расце колькасць хвароб і шкоднікаў? Чым можна «прыправіць» глебу, каб павысіць яе ўрадлівасць? Па адказы на гэтыя пытанні звярнуліся ў Інстытут эксперыментальнай батанікі НАН Беларусі. Гэта вядучая навуковая арганізацыя, якая аб’яднала спецыялістаў у галіне батанікі, фізіялогіі, біяхіміі і экалогіі раслін. Сярод кірункаў работы ўстановы — ахова і эфектыўнае выкарыстанне біярэсурсаў, даследаванне фізіялагічных і біяхімічных механізмаў фарміравання прадукцыйнасці і ўстойлівасці раслін, распрацоўка адаптыўных метадаў земляробства.

Перамога тыдня. Уладзіслаў Казлоў выйграў маладзёжны чэмпіянат Еўропы па барацьбе, які праходзіць у Албаніі. Беларускі спартсмен стаў пераможцам у вагавой катэгорыі да 87 кг у вольнай барацьбе. Пакуль гэта адзіны медаль беларускай каманды на маладзёжным чэмпіянаце Еўропы. 12 сакавіка на дыван выйдуць барцы грэка-рымскага стылю.

Рэтраспектыўны характар носіць выстаўка Аляксандры Дзятлавай «Шляхі натхнення», якая адкрылася на мінулым тыдні ў Мастацкай галерэі Міхаіла Савіцкага. У экспазіцыі — творы з керамікі і фарфору аўтарства вядомай мастачкі і педагога. Болей за сорак гадоў Аляксандра Яўгенаўна працуе ў галіне мастацкай керамікі і дзеліцца вопытам і натхненнем з маладым пакаленнем мастакоў: яна прафесар, загадчыца кафедры дэкаратыўна-прыкладнога мастацтва і касцюма Беларускай дзяржаўнай акадэміі мастацтваў.

На наступным тыдні будзе праходзіць Мінская міжнародная кніжная выстаўка-кірмаш. Карэспандэнт «ЛіМа» сустрэлася з вядомым пісьменнікам, дырэктарам выдавецтва «Мастацкая літаратура» Алесем Бадаком, каб пагутарыць пра сучасную літаратуру і даведацца, як стварыць беларускі бестселер.

Першая кніга вершаў вядомай беларускай дзіцячай паэтэсы — «Маё пакаленне» — пабачыла свет 90 гадоў назад, у 1935 годзе. Эдзі Агняцвет, чыя творчасць адзначана Міжнародным дыпломам імя Х. К. Андэрсена ( у 1986 годзе — за кнігу вершаў і перакладаў для дзяцей «На двары алімпіяда»), працавала ў літаратуры шмат дзесяцігоддзяў, выдала дзесяткі арыгінальных кніг паэзіі, пераклала вершы паэтаў іншых народаў ( у гісторыі беларуска-французскіх літаратурных сувязяў застанецца падрыхтаваная ёй анталогія французскай паэзіі для дзяцей «Краіна Паэмія»). Ужо пасля смерці паэтэсы (Эдзі Агняцвет пайшла з жыцця ў 2000 годзе) у серыі «Бібліятэка часопіса «Вясёлка» выйшаў яе зборнік «У свеце дабрыні».