Сеткавае выданне zviazda.by

Адзіны дзень азелянення стартаваў у Беларусі. Маштабная кампанія праводзіцца ў мэтах павышэння азелянёнасці тэрыторыі краіны, стварэння камфортных і спрыяльных умоў для жыцця насельніцтва, уцягвання ў гаспадарчы абарот зямель, якія рэкультывуюцца. Падчас ініцыятывы плануецца высадзіць дрэвы і кусты ў населеных пунктах рэспублікі і на тэрыторыі ляснога фонду.

Адбылося VI пасяджэнне рабочай групы па супрацоўніцтве Рэспублікі Беларусь з Томскай вобласцю Расійскай Федэрацыі. Прадстаўнікі кран абмеркавалі перспектывы і кірункі ўзаемадзеяння.

Стартаваў XVIII Рэспубліканскі экалагічны форум.

Падведзены вынікі ІІІ Міжнароднай спецыялізаванай экалагічнай выставы Ecology Expo — 2025. За два з паловай дні яе наведалі больш за 5000 чалавек.

У мерапрыемстве, арганізаваным Міністэрствам прыродных рэсурсаў і аховы навакольнага асяроддзя і Нацыянальным выставачным цэнтрам «БелЭкспа», прымаюць удзел больш за 180 кампаній, якія прадставілі такія аспекты экалогіі, як ахова навакольнага асяроддзя, інавацыйныя тэхналогіі, экатурызм і экалагічная адукацыя і асвета. Сярод замежных гасцей — прадстаўнікі Бразіліі, Казахстана, Кітая, Кыргызстана, Манголіі, Расіі, Узбекістана.

Традыцыйна 15 красавіка ў свеце адзначаецца Дзень экалагічных ведаў. Упершыню пытанне аб ролі экаадукацыі ў жыцці чалавека было ўзнята ў 1992 годзе ў Рыа-дэ-Жанейра на Канферэнцыі ААН, прысвечанай праблемам навакольнага асяроддзя. Місія свята — звярнуць увагу сусветнай грамадскасці на прасоўванне экалагічных ведаў і фарміраванне экалагічнай культуры насельніцтва, інфармаваць яго аб стане навакольнага асяроддзя і распаўсюджваць ідэі рацыянальнага карыстання прыроднымі рэсурсамі. Сімвалічна, што менавіта ў гэты дзень быў запушчаны новы экаадукацыйны праект Мінпрыроды і Мінадукацыі «ЭкаВеды».

Перспектывы ўдзелу грамадскіх аб’яднанняў і палітычных партый у Годзе добраўпарадкавання абмеркавалі сёння ў Мінску падчас пасяджэння Каардынацыйнага савета пры Міністэрстве прыродных рэсурсаў і аховы навакольнага асяроддзя.

Штогод 22 сакавіка адзначаецца Сусветны дзень водных рэсурсаў, які дапамагае прыцягнуць увагу да экалагічных праблем стану вады на Зямлі. Актуальныя пытанні эфектыўнага і комплекснага выкарыстання водных рэсурсаў абмеркавалі напярэдадні свята на аднайменнай міжнароднай навукова-практычнай канферэнцыі ў Цэнтральным навукова-даследчым інстытуце комплекснага выкарыстання водных рэсурсаў.