Сеткавае выданне zviazda.by

Да рэспубліканскага суботніка ў сталіцы далучыліся і члены Савета Рэспублікі разам з сем’ямі. Работы ў сталічным Батанічным садзе было шмат: усе ўдзельнікі мерапрыемства раздзяліліся па розных зонах. Адны закладвалі экспазіцыю ў гонар 80-годдзя Перамогі ў Вялікай Айчыннай вайне, другія дапамагалі з добраўпарадкаваннем тэрыторыі і пасадкай дрэў, трэція займаліся пікіроўкай расады буякоў, а чацвёртыя — мульчыраваннем драўнянай дранкай ягадных кустоў.

Дэпутацкі корпус на чале са Старшынёй Палаты прадстаўнікоў Ігарам Сергяенкам падчас Рэспубліканскага суботніка працаваў на мемарыяльным комплексе «Разгром», размешчаным у самай глыбінцы Смалявіцкага раёна Мінскай вобласці. Там парламентарыі высадзілі 238 дрэў, прыбралі тэрыторыю ад лістоты, ачысцілі плітку ад травы і моху, аддалі даніну памяці вядомай партызанскай брыгадзе. Карэспандэнты «Звязды» далучыліся да важнага мерапрыемства.

Старшыня Савета Рэспублікі Наталля Качанава на сустрэчы з Шахбазам Шарыфам адзначыла, што паміж парламентамі Беларусі і Пакістана склаліся добрыя адносіны. Яна расказала, што на палях 150-й Асамблеі МПС нядаўна сустракалася са сваім пакістанскім калегам. У беларускім парламенце ёсць рабочая група па супрацоўніцтве з парламентам Пакістана. «Вядома, мы зробім усё, каб выкананне тых дамоўленасцяў, якія дасягнуты вамі, лідарамі нашых краін, было на кантролі і ў нас, у парламентарыяў», — сказала Старшыня Савета Рэспублікі.

У полі зроку дэпутацкага корпусу — і механізмы дзяржаўнай падтрымкі пры жыллёвым будаўніцтве, горадабудаўнічае забеспячэнне ажыццяўлення рэнавацый у краіне. Асобная ўвага ўдзелена новаўвядзенням у жыллёвым заканадаўстве. Сярод іх — прадастаўленне арэнднага жылля прадстаўнікам найбольш запатрабаваных прафесій, набыццё жылых памяшканняў дзяржаўнага жыллёвага фонду ў сельскай мясцовасці. На семінары-нарадзе разгледжаны кірункі ўдасканалення нарматыўнай прававой базы ў гэтай сферы.

Інфармацыя аб штомесячным правядзенні асабістага прыёму грамадзян спікерам у Палаце прадстаўнікоў загадзя размяшчаецца ў сродках масавай інфармацыі. Заяўнік павінен быць гатовым да таго, што ў ходзе папярэдняга запісу па тэлефоне ў яго папросяць удакладніць сутнасць пытання, з якім ён плануе звярнуцца да Ігара Сергяенкі. Гэта робіцца для таго, каб вызначыць кола спецыялістаў, якіх патрэбна будзе задзейнічаць падчас вырашэння таго ці іншага пытання. Дзякуючы папярэдняй рабоце, нярэдка нават на гэтым этапе знімаецца праблема, з якой чалавек змагаўся на працягу многіх гадоў.

Адкрываючы чарговае пасяджэнне другой сесіі Палаты прадстаўнікоў, Старшыня Палаты прадстаўнікоў Ігар Сергяенка нагадаў, што 25 сакавіка дэпутаты сталі сведкамі і ўдзельнікамі падзеі гістарычнай значнасці. Інаўгурацыя Прэзідэнта Рэспублікі, па яго словах, азнаменавала сабой завяршэнне працэсу маштабных грамадска-палітычных пераўтварэнняў — краіна ўступіла ў новы этап свайго развіцця.

Член Пастаяннай камісіі Савета Рэспублікі па міжнародных справах і нацыянальнай бяспецы, галоўны ўрач Брэсцкай абласной клінічнай бальніцы Аляксандр Карпіцкі з калегамі-медыкамі наведаў Бялград. Абмеркаваны магчымасці і перспектывы развіцця беларуска-сербскага супрацоўніцтва ў медыцынскай сферы.

Чарговае пасяджэнне другой сесіі Палаты прадстаўнікоў Нацыянальнага сходу Рэспублікі Беларусь восьмага склікання адбудзецца 2 красавіка пад старшынствам спікера Ігара Сергяенкі. Аб гэтым паведамляе БелТА са спасылкай на прэс-службу Палаты прадстаўнікоў.

У Авальнай зале Дома ўрада пад кіраўніцтвам Старшыні Палаты прадстаўнікоў Ігара СЕРГЯЕНКІ прайшоў семінар на тэму «Акутальныя пытанні прымянення заканадаўства Рэспублікі Беларусь аб ахове і выкарыстанні зямель на сучасным этапе». На ім дэпутаты Палаты прадстаўнікоў, члены Савета Рэспублікі, кіраўнікі рэспубліканскіх мясцовых органаў улады, прадстаўнікі судзейскага корпуса абмеркавалі даволі аб’ёмны спектр пытанняў, прааналізавалі дзеянні нормаў заканадаўства аб ахове і выкарыстанні зямель, прымяненне зямельнага заканадаўства, рэалізацыю норм і многае іншае.

Працоўны дзень Старшыні Палаты прадстаўнікоў у Віцебскай вобласці пачаўся з інспектавання сельскагаспадарчых арганізацый Чашніччыны. У полі зроку — малочнатаварны комплекс і малочнатаварная ферма ААТ «Проземля-Агра», якія група дэпутатаў ужо правярала напрыканцы лютага. У ходзе паўторнай праверкі Ігар Сергяенка азнаёміўся з вынікамі зімоўкі жывёлы, арганізацыяй кармлення і ўмовамі захавання кармоў, выкананнем ветэрынарна-санітарных правілаў і тэхналагічнай дысцыпліны. Не засталася без увагі парламентарыя ступень гатоўнасці сельскагаспадарчай тэхнікі «Проземля-Агра» да вясновых палявых работ — яна ацэньваецца як высокая.