Сеткавае выданне zviazda.by

Закамянеласці, якія больш за 70 гадоў знаходзіліся ў сховішчы Музея поўначы Універсітэта Аляскі (UAMN) як косці шарсцістага маманта, на самай справе належаць марскім насельнікам. Да такой высновы прыйшлі вучоныя, якія апублікавалі вынікі даследавання ў часопісе Journal of Quaternary Science. Пра гэта паведаміла БелТА.

Новыя археалагічныя даныя змяняюць уяўленні аб ранніх тэхналогіях чалавецтва: даследчыкі выявілі, што старажытныя людзі маглі ствараць агонь ужо 400 тысяч гадоў таму — прыкладна на 350 тысяч гадоў раней, чым меркавалася, паведамляе SmartPress.

Палеантолагі выявілі больш за 20 слядоў дыназаўраў і іншых пазваночных узростам каля 200 млн гадоў на скале ў правінцыі Сычуань на паўднёвым захадзе Кітая, піша газета «Жэньмінь жыбаа».

Навукоўцы з Мюнхенскага тэхнічнага ўніверсітэта абследавалі самую буйную з Вялікіх пірамід Гізы — піраміду Хеопса. Яны выявілі прыкметы, якія сведчаць аб наяўнасці схаванага праходу пад абліцоўкай, паведамляе БелТА.

У горадзе Зютфен, на ўсходзе Нідэрландаў, археолагі выявілі рымскія могілкі ўзростам амаль дзве тысячы гадоў. Сярод знаходак — рэдкая масляная лямпа I стагоддзя н. э., якая, як мяркуюць вучоныя, асвятляла душам шлях у свет іншы. Пра гэта паведамляе Smartpress.by.

У турэцкім горадзе Кайсэры падчас раскопак былі выяўленыя чарапы трох сланоў узростам 7,7 млн гадоў, паведамляе БелТА.

Гісторыя нашай сталіцы цікавіць кожнага беларуса. Вывучаюць яе даўно і пільна, але ўсё роўна застаецца шмат нераскрытых таямніц. За 10 км ад Мінска ў вёсцы Гарадзішча ўжо некалькі гадоў вядуцца маштабныя раскопкі на рацэ Менка. Дык калі і дзе ўсё ж быў заснаваны Мінск? Якой была культура нашых продкаў? Якія яшчэ невядомыя старонкі гісторыі горада трэба будзе адкрыць? Даследаванні вяліся пад кіраўніцтвам Андрэя Вайцяховіча — загадчыка аддзела археалогіі Сярэдніх вякоў і Новага часу Інстытута гісторыі НАН, паведамляе БелТА.

Беларускія археолагі праводзяць падводныя даследаванні. Пра гэта паведаміў на прэс-канферэнцыі навуковы супрацоўнік аддзела археалогіі першабытнага грамадства Інстытута гісторыі Нацыянальнай акадэміі навук Беларусі Сяргей Ліневіч, перадае БелТА.

На месцы рэканструкцыі Касцёла Ушэсця Найсвяцейшай Панны Марыі ў Будславе археолагі выявілі фундаменты старадаўняга храма, узведзенага, паводле папярэдніх ацэнак, у першай палове XVII стагоддзя. Пра гэта паведамляе Smartpres. by.

Доўгі час тэрыторыя паўночнай Беларусі была белай плямай на археалагічнай карце перыяду неаліту — бронзавага веку. У параўнанні з іншымі рэгіёнамі тут знаходзілі вельмі мала археалагічных помнікаў гэтага перыяду. Нават выказваліся версіі, а ці не было тут якіх эпідэмій, з-за якіх людзі не хацелі сяліцца. Але раскопкі на тэрыторыі Крывінскага тарфяніка, якія знаходзіцца на тэрыторыі Бешанковіцкага і Сеннецкага раёнаў дапамаглі раскрыць сакрэты Паазер’я. Рэшткі старажытных паселішч проста раней не там шукалі. Яны знаходзяцца ці пад вадой, ці пад пластом торфу. Таму загадчык аддзела археалогіі першабытнага грамадства Інстытута гісторыі НАН Беларусі Максім Чарняўскі называе іх Паўночнай Атлантыдай.