Сеткавае выданне zviazda.by

Вядучы спецыяліст, выконваючая абавязкі кіраўніка спраў сельсавета Вяззеўскага сельсавета Ірына Вялічка апошнія пяць гадоў шчыльна працуе з праблемнай нерухомасцю па 116-му Указу. Сведчыць, што сёлета ніводнага дома зносіць не прыйшлося. Хтосьці купіў за базавую, а хтосьці нават з аўкцыёну.

У Крупскім раёне адкрылі новы завод па вытворчасці прафесійных тарфяных грунтоў ААТ «ТБЗ Усяж» — філіял «Туршоўка». Рэалізацыя гэтага праекта дазволіць ААТ «ТБЗ Усяж» пашырыць наменклатуру выпускаемай торфапрадукцыі з новымі спажывецкімі ўласцівасцямі, арганізаваць выпуск высакаякаснай тарфяной прадукцыі непаліўнага прызначэння, запатрабаванай на ўнутраным і знешніх рынках.

У 1986 годзе свае дзверы для дзяцей пасёлка адчыніла дзіцячая Роская школа мастацтваў. Маладыя выкладчыкі толькі пачыналі свой шлях. Класы сталі напаўняцца дзіцячымі галасамі, а з актавай залы даляталі гукі скрыпкі і фартэпіяна. 

Сёлета Асіповіцкі завод транспартнага машынабудавання быў занесены на рэспубліканскую Дошку гонару па выніках работы за мінулы год. Ужо той факт, што прадпрыемства з невялікага райцэнтра на Магілёўшчыне паспяхова канкурыруе з расійскімі і кітайскімі вытворцамі, сведчыць пра многае. Тут робяць тару для чыгуначных саставаў. Здавалася б, што складанага ў вытворчасці цыстэрнаў, у якіх перавозяць нафтапрадукты? Але, трапіўшы непасрэдна на прадпрыемства, зразумелі, што гэта шматступенны працэс, і кантроль за якасцю на ўсіх этапах вытворчасці — важны яго складнік. Яно і нядзіўна, бо тут узнікае і пытанне бяспекі: уявіце, што здарыцца, калі мазут ці бензін з няякасна зробленай цыстэрны грузавога саставу ў вялікай колькасці выльецца побач з населеным пунктам, вадаёмам, сельгасугоддзямі...

Дынастыямі ганарацца. Калі яны ёсць на прадпрыемстве, значыць, яно ўстойлівае, надзейнае, стабільна развіваецца. У Асіповіцкім раёне мы сустрэліся з прадстаўнікамі некалькіх дынастый. Што стала матывацыяй для некалькіх пакаленняў трымацца за адно і тое ж месца працы, даведаліся з першых вуснаў.

26 лістапада Бярэзінская цэнтральная раённая бібліятэка праводзіць III фестываль беларускай кнігі «Кніжныя гарызонты». 

Прэзідэнт Беларусі Аляксандр Лукашэнка даў згоду на прызначэнне новых старшыняў райвыканкамаў, паведаміла БелТА.

Не варта забываць, што гэта малая радзіма многіх знакамітых людзей. Гэта і кампазітар Станіслаў Манюшка, і адзін з самых дарагіх мастакоў сучаснасці Хаім Суцін, і жывапісец Шрага Царфін, і касманаўт Алег Навіцкі.

У Палацы Незалежнасці абмеркавалі стан спраў у гэтых раёнах і Праграму іх развіцця да 2030 года, якую кіраўнік дзяржавы праанансаваў летась на «Дажынках» у Мікашэвічах. Першай дзяржаўнай праграмай, накіраванай на развіццё Прыпяцкага Палесся, стала Праграма сацыяльна-эканамічнага развіцця і комплекснага выкарыстання прыродных рэсурсаў рэгіёна на 2010 — 2015 гады. Сёння ўжо рэалізуецца новая маштабная праграма развіцця гэтых тэрыторый на 2025 — 2030 гады. Бягучая пяцігодка павінна стаць знакавай для дзевяці раёнаў Брэсцкай і Гомельскай абласцей, дзе жыве 350 тысяч чалавек.