Сеткавае выданне zviazda.by

Законапраект ужо разгледжаны дэпутатамі ў першым чытанні, аднак шэраг новаўвядзенняў патрабуе сур’ёзнага ўдасканалення, каб на практыцы ні ў педагагічнай супольнасці, ні ў дзяцей і іх бацькоў не ўзнікала ні пытанняў, а тым больш праблем. Якія заканадаўчыя крокі яшчэ неабходна зрабіць, каб абараніць дзяцей ад псіхалагічнага і фізічнага ўздзеяння, абмеркавалі падчас рабочай нарады з удзелам парламентарыяў, прадстаўнікоў Міністэрства адукацыі, іншых зацікаўленых органаў.

У аўторак Генеральная Асамблея Арганізацыі Аб’яднаных Нацый прыняла рэзалюцыю пад назвай «Васьмідзясятая гадавіна заканчэння Другой сусветнай вайны». У ёй у тым ліку прапанавана адзначыць адпаведным чынам гадавіну заканчэння Другой сусветнай вайны, правесці спецыяльнае ўрачыстае пасяджэнне Генеральнай Асамблеі на працягу другога тыдня мая 2025 года і ў далейшым праводзіць такія пасяджэнні кожныя пяць гадоў.

Падчас 9-й пазачарговай сесіі Мінскага гарадскога Савета дэпутатаў былі зменены некаторыя прынятыя раней рашэнні і зацверджаны новыя. Пытанняў, вынесеных на абмеркаванне, было шмат. Спынімся на некаторых з іх.

Прэзідэнт Беларусі Аляксандр Лукашэнка 18 лютага падпісаў Закон «Аб спажывецкім крэдыце і спажывецкай мікрапазыцы». Пра гэта паведамілі ў прэс-службе беларускага лідара.

Прэзідэнт падпісаў Закон «Аб змяненні кодэксаў па пытаннях крымінальнай адказнасці», якім комплексна ўдасканальваецца крымінальнае і крымінальна-працэсуальнае заканадаўства.

Асобы, якія дасягнулі сямнаццацігадовага ўзросту, змогуць атрымліваць права кіравання самаходнымі машынамі сельгаспрызначэння, а таксама колавымі трактарамі з рухавікамі магутнасцю да 110,3 кілавата (напрыклад, такімі як «Беларус-1221»). Гэта дасць магчымасць больш актыўна прыцягваць вучняў устаноў прафесійна-тэхнічнай адукацыі да пасяўных і ўборачных работ.

Тэма размеркавання паўнамоцтваў і вызначэння кампетэнцый старшынь выканкамаў базавага ўзроўню, якая ўзнімалася на мінулым тыдні падчас нарады ў Прэзідэнта і вынікам якой стала навіна аб з’яўленні ў хуткім часе адпаведнага ўказа кіраўніка дзяржавы, асабліва актыўна абмяркоўваецца на месцах. Гэта неабходна для таго, каб дакладна разумець, што і ад каго могуць патрабаваць старшыні выканкамаў. Акрамя таго, прававое рэгуляванне паўнамоцтваў гэтай катэгорыі службовых асоб дазволіць пазбегнуць спрэчак наконт ведамаснай падпарадкаванасці і межаў кампетэнцыі. Аб гэтым гаварыў Прэзідэнт, гэта выдатна разумеюць і прадстаўнікі мясцовай улады, і выканаўчай, і заканадаўчай, бо, як правіла, выканкамы і саветы ў сваім рэгіёне разам вырашаюць пастаўленыя задачы, разам працуюць на развіццё тэрыторыі і дабрабыт людзей. З прадстаўнікамі заканадаўчай улады рознага ўзроўню карэспандэнты МС і пагутарылі аб гэтым.

У першым чытанні на сесіі Палаты прадстаўнікоў разгледжаны законапраект «Аб змяненні законаў па пытаннях забеспячэння правоў дзяцей», якім узмацняюцца гарантыі дзяржаўнай абароны правоў і законных інтарэсаў дзяцей. Акрамя таго, істотныя змяненні чакаюцца ў сферы рэгулявання аўдытарскай дзейнасці. Аднак перш чым прыступіць да абмеркавання вынесеных на разгляд дэпутатаў законапраектаў, Старшыня Палаты прадстаўнікоў Ігар СЕРГЯЕНКА агучыў перад парламентарыямі шэраг задач. Асноўны пасыл — дэпутацкі корпус павінен актыўна падключыцца да інфармавання грамадскасці яшчэ на этапе распрацоўкі заканадаўчых ініцыятыў.

Згодна з правіламі аўтамабільных перавозак пасажыраў, аўтамабіль-таксі павінен быць абсталяваны праграмнай касай або касавым падсумоўваючым апаратам, які сумешчаны з таксометрам. А што рабіць спажыўцу, калі чэк нам не выдаюць? З гэтым пытаннем мы звярнуліся ў інспекцыю Міністэрства падаткаў і збораў горада Мінска.

Гэту тэму кіраўнік дзяржавы ўзнімаў яшчэ падчас рабочай паездкі ў Шклоў у жніўні. Пытанні, якія абмяркоўваліся на нарадзе па пытаннях эфектыўнага развіцця сельскагаспадарчай вытворчасці Шклоўскага і Аршанскага раёнаў, датычыліся не толькі гэтых раёнаў, а ў цэлым мясцовай вертыкалі ўсёй краіны. Кажучы аб далейшым рэфармаванні сельскай гаспадаркі, Прэзідэнт адзначаў, што трэба ўдзяліць ўвагу ролі старшынь райвыканкамаў, нарматыўна-прававому рэгуляванню іх дзейнасці, дакладнаму разуменню паўнамоцтваў. Аляксандр Лукашэнка тлумачыў, што гэта неабходна для таго, каб дакладна разумець, што і ад каго могуць патрабаваць старшыні выканкамаў. Акрамя таго, прававое рэгуляванне паўнамоцтваў гэтай катэгорыі службовых асоб, па яго словах, дазволіць пазбегнуць спрэчак наконт ведамаснай падпарадкаванасці і межаў кампетэнцыі.