Сеткавае выданне zviazda.by

Работы на цеплавых сетках чарговай рамонтнай зоны гродзенскія энергетыкі завяршылі на 6 дзён раней нарматыўнага тэрміну, які цяпер складае 13 дзён. Гэта значыць, што гарачая вада ў кранах тых, хто жыве ў мікрараёнах Дзевятоўка, Грандзічы, а таксама ў раёне вуліц Мендзялеева, Шчорса і Пралетарская, з’явіцца ў самы бліжэйшы час, паведамляе SB. by.

На плошчы Дзяржаўнага сцяга сабраліся дзяўчаты і хлопцы, якія не проста любяць Радзіму, а гатовыя дзейнічаць і рухацца наперад, займацца добрымі і карыснымі справамі дзеля яе росквіту. Штабам студэнцкіх атрадаў, штабам рэспубліканскіх працоўных праектаў — зводным студэнцкім атрадам паводле кірункаў іх дзейнасці ўручылі «Працоўныя пуцёўкі».

Сярод самых распаўсюджаных схем ухілення ад выплаты падаткаў у Беларусі — утойванне падаткаабкладальнай базы. Калі гэта датычыцца падатку на дабаўленую вартасць і падатку на прыбытак — гэта ўтойванне выручкі ад рэалізацыі тавараў, работ і паслуг. У выпадку падаходнага падатку — няпоўнае адлюстраванне фонду аплаты працы. Адметна, што падчас кантрольных мерапрыемстваў падатковая служба выяўляла практычна ў паловы парушальнікаў ужыванне больш чым адной схемы ўхілення ад плацяжоў у бюджэт. Быў у практыцы падатковай службы і рэкардсмен, які выкарыстоўваў дзесяць схем ухілення ад выплаты падаткаў.

Студатрадаўскі рух — гэта магчымасць здабыць новых працоўных таварышаў, якія будуць з вамі на працягу ўсяго жыцця. Такое меркаванне выказаў першы намеснік кіраўніка Адміністрацыі Прэзідэнта Рэспублікі Беларусь Уладзімір Пярцоў у час урачыстага адкрыцця трэцяга працоўнага семестра — 2025, перадае БелТА.

Да стагоддзя доктара тэхнічных навук, лаўрэата Дзяржаўнай прэміі Рэспублікі Беларусь, малодшага сына Якуба Коласа — Міхася Канстанцінавіча Міцкевіча рыхтуецца гісторыка-мемарыяльная кніга «Трэці сын». 

Бакі абмеркавалі пытанні ўмацавання міжнароднага супрацоўніцтва і рэалізацыі новых сумесных праектаў, паведамляецца ў тэлеграм-канале Мінскага гарвыканкама.

Дэлегацыя з Мінска прыбыла ў сталіцу Башкартастана яшчэ ў аўторак. Дзелавая праграма ўключае перагаворы старшыні Мінскага гарвыканкама Уладзіміра Кухарава і кіраўніка адміністрацыі Уфы Ратміра Маўліева, бізнес-форум «Мінск і Уфа: пабрацімства — новы драйвер развіцця», круглы стол па развіцці турызму, падпісанне шэрагу пагадненняў аб супрацоўніцтве паміж гарадамі ў розных сферах. Аб гэтым паведамілі ў Мінскім гарвыканкаме.

Унікальны музычны праект аб’яднае радыёстанцыю МІР і маладых беларускіх рок-выканаўцаў на найбуйнейшым фестывалі «Сонцастаянне».

Праблема даступнасці і якасці мабільнай сувязі ў кожным кутку краіны знаходзіцца на кантролі на самым высокім узроўні. У жніўні мінулага года Прэзідэнт Беларусі падпісаў адпаведны ўказ, згодна з якім сотавыя аператары ў абавязковым парадку павінны будуць накіроўваць частку прыбытку на будаўніцтва новых вышак, мадэрнізацыю дзеючых аб’ектаў і іншыя меры па развіцці сетак сотавай сувязі, што дасць магчымасць павялічыць зону пакрыцця і ўстойлівасць сігналу.

Да канца года неабходна навесці на тэрыторыі Мінска поўны парадак. Такую задачу днямі акрэсліў старшыня Мінскага гарвыканкама Уладзімір Кухараў. І гэта якраз тая праблема, пра якую не так даўно гаварыў Прэзідэнт. 14 красавіка Аляксандр Лукашэнка, прымаючы з дакладам мэра сталіцы, паставіў задачу разабрацца з даўгабудамі ў Мінску, і асабліва ў комплексе «Мінск-Мір». Асобную ўвагу кіраўнік дзяржавы звярнуў на праблему звышнарматыўных тэрмінаў будаўніцтва жылля. «Гэта недапушчальна — даўгабуды, — падкрэсліў Прэзідэнт. — У вас іх 13, і з іх у „Мінск-Міры“ — 8. Гэта наогул недапушчальна. Яны (кампанія, якая займаецца забудовай гэтага квартала. — Заўв. аўт.) прыйшлі сюды працаваць, заключылі з намі інвестыцыйныя пагадненні, дагаворы, узялі на сябе абавязацельствы. Няхай выконваюць, калі хочуць працаваць тут». Карэспандэнт «Звязды» даведаўся, як сталічныя ўлады плануюць вырашаць праблему з даўгабудамі, што і на якім этапе цяпер у комплексе «Мінск-Мір», а таксама якіх маштабных аб’ектаў варта чакаць мінчанам у найбліжэйшы час.