Сеткавае выданне zviazda.by

Да 800-годдзя Свята-Елісееўскага Лаўрышаўскага манастыра адбудзецца трохдзённы (10-12 жніўня) хрэсны ход, паведамляе БелТА са спасылкай на афіцыйны партал Беларускай Праваслаўнай Царквы.

У Беларусі ўбралі 19% плошчаў збожжавых і зернебабовых культур (без кукурузы, грэчкі і проса), што складае 378 тыс.га. Аб гэтым паведамілі БелТА ў прэс-службе Мінсельгасхарча.

У Мінску 28 ліпеня мабільныя датчыкі кантролю хуткасці працуюць на дзевяці участках дарог. Пра гэта паведамілі ва УДАІ ГУУС Мінгарвыканкама.

Мабільныя датчыкі кантралююць хуткасць на праспектах Незалежнасці (60 км/г і 80 км/г), Партызанскім (60 км/г), Дзяржынскага (60 км/г), Жукава (60 км/г), на вуліцах Прытыцкага, Дамашэўскай, радыяльнай і Леніна (на ўсіх — 60 км/г), а таксама на МКАД (90 км/г).

Дзяржаўтаінспекцыя просіць аўтамабілістаў быць уважлівымі, выконваць хуткасны рэжым руху і ўлічваць умовы надвор’я.

На месцы рэканструкцыі Касцёла Ушэсця Найсвяцейшай Панны Марыі ў Будславе археолагі выявілі фундаменты старадаўняга храма, узведзенага, паводле папярэдніх ацэнак, у першай палове XVII стагоддзя. Пра гэта паведамляе Smartpres. by.

Адчуванне дома звязана з пэўным станам душы, які апісваюць як ўпэўненасць у тым, што недзе ёсць месца, куды заўсёды можна і, галоўнае, хочацца вярнуцца. Гэтае адчуванне, вядома, дорыць людзям спакой, душэўную гармонію, хоць паняцце «дом» шматграннае: многім складана аддзяліць фізічную прастору, будынак у пэўнай мясцовасці ад прасторы ўспамінаў. А ёсць жа іншы погляд — згодна з ім дом і нават радзіма атаясамліваюцца з магіламі продкаў. Усё разбураецца, ад усяго можна збегчы, а яны трымаюць каля сябе мацней за іншае... 

Доўгі час тэрыторыя паўночнай Беларусі была белай плямай на археалагічнай карце перыяду неаліту — бронзавага веку. У параўнанні з іншымі рэгіёнамі тут знаходзілі вельмі мала археалагічных помнікаў гэтага перыяду. Нават выказваліся версіі, а ці не было тут якіх эпідэмій, з-за якіх людзі не хацелі сяліцца. Але раскопкі на тэрыторыі Крывінскага тарфяніка, якія знаходзіцца на тэрыторыі Бешанковіцкага і Сеннецкага раёнаў дапамаглі раскрыць сакрэты Паазер’я. Рэшткі старажытных паселішч проста раней не там шукалі. Яны знаходзяцца ці пад вадой, ці пад пластом торфу. Таму загадчык аддзела археалогіі першабытнага грамадства Інстытута гісторыі НАН Беларусі Максім Чарняўскі называе іх Паўночнай Атлантыдай. 

Мінскі трактарны завод плануе прыняць на работу больш за 700 маладых спецыялістаў у жніўні 2025 года. Пра гэта паведамляе БелТА.

Мастацкая галерэя «Арт-Фабрыка» запрашае на персанальны выставачны праект «GLAM GOTHIC» скульптара, члена Беларускага саюза мастакоў Віктара Мінко. Дэвіз майстра — самаіндэнтыфікацыя праз пошук незвычайнага ў звычайным. Эксперты параўноваюць яго творчасць з шэдэўрамі старажытных егіпцян, антычных творцаў і геніальнымі работамі Мікеланджэла і Радэна. Сам аўтар прызнаецца, што, абапіраючыся на багатую спадчыну мінулага, спрабуе адлюстраваць свой погляд на свет і застацца мастаком сучаснасці.

У бліжэйшы чацвер, 31 ліпеня, тры прадстаўнікі беларускай футбольнай лігі прадоўжаць свой шлях у еўракубкавай кампаніі.