Сеткавае выданне zviazda.by

У кожнага чалавека ад нараджэння ёсць свае таленты. Хтосьці ўдала спявае, валодае пластыкай або хутка вырашае самыя складаныя матэматычныя задачы. Талент Вадзіма Сакратарова з Віцебскага раёна — пераўтварацца ў галоўнага навагодняга чараўніка, ды так, што часам сябры і калегі не могуць адрозніць яго ад казачнага персанажа.

«Трэба ехаць!» — падумае турыст-аптыміст, даведаўшыся, што статус «культурная сталіца» ў 2025 годзе атрымала Іванава, што на Брэстчыне. І мае рацыю, бо гэта той выпадак, калі старажытны Янаў трымае марку ўсяго Палескага краю, тут жылі і працягваюць працаваць людзі, якія паказваюць прыклад любові да радзімы.

Раство Хрыстова — хрысціянскае свята памяці аб нараджэнні Ісуса Хрыста. Адзначаецца яно 7 студзеня па грыгарыянскім календары, што адпавядае 25 снежня па юліянскім календары. Каляды лічацца ў праваслаўнай царкве другім па значнасці святам пасля Вялікадня, з імі звязаны шматлікія звычаі, традыцыі і, вядома, падарункі. Каляды — ўрачыстасць нараджэння і, вядома, дзеці — важныя ўдзельнікі ўрачыстасці, таму так важна перадаваць ім дух зімовага свята.

Традыцыйна ў Палацы Незалежнасці падчас зімовых канікул праводзіцца серыя навагодніх спектакляў. Чацвёртага студзеня тут сабраліся некалькі сотняў дзяцей рознага сацыяльнага статусу, у тым ліку дзеці-сіроты, дзеці са шматдзетных і няпоўных сем’яў. Некаторыя з іх атрымалі магчымасць наведаць гэта святочнае мерапрыемства дзякуючы поспехам у вучобе, талентам і актыўнай грамадскай дзейнасці. Для дзяцей наведванне Палаца Незалежнасці стала сапраўдным навагоднім падарункам.

Праект закона «Аб змяненні законаў па пытаннях забеспячэння правоў дзяцей» унесены ў Палату прадстаўнікоў Саветам Міністраў 20 снежня. Дакумент рыхтуецца да разгляду дэпутатамі ў першым чытанні. Аб навацыях законапраекта БелТА расказаў старшыня Пастаяннай камісіі па ахове здароўя, фізічнай культуры, сямейнай і маладзёжнай палітыцы Палаты прадстаўнікоў Валерый Малашка.

Традыцыйна Новы год пачынаецца для жыхароў краіны з важных змен. І 2025-ы не выключэнне. Сёлета навацыі закрануць як дабрабыт грамадзян розных узростаў, так і працоўныя адносіны і абыходжанне з жывёламі. Пра самыя адметныя змены — у нашым дайджэсце.

2024 год быў для краіны няпростым. Але мы пераадолелі ўсе цяжкасці і сустракаем Новы год з упэўненасцю ў заўтрашнім дні і пад мірным небам. Адзіны народ на чале з моцным агульнанародным лідарам — менавіта так цяпер успрымаецца Беларусь і беларусы ў міжнароднай супольнасці.

Напярэдадні навагодніх свят актыўнасць махляроў традыцыйна набірае абароты. То лжэпрадаўцы прапануюць набыць за дробныя грошы ёлку або іншую святочную атрыбутыку, то іграюць на нервах пажылых людзей пад маркай ДТЗ, у якое быццам бы трапіў іх родны чалавек, то спрабуюць пазбавіцца ад падробак. Гэта не эпізод з кінастужкі, а рэальнасць: за 11 месяцаў зарэгістравана 406 фактаў збыту фальшывых купюр.

13 снежня ў Віцебску загарэўся гандлёвы цэнтр. Пажару такога маштабу ў рэгіёне ніхто не памятае. На шчасце, дзякуючы зладжаным дзеянням супрацоўнікаў МНС, абышлося без чалавечых ахвяр. А некалькі канкрэтных ратавальнікаў за лічаныя дні сталі народнымі героямі. З адным з іх — майстрам-ратавальнікам пажарнай аварыйна-ратавальнай часці № 1 Віцебскага гарадскога аддзела МНС Канстанцінам Гіркалам — мы пагаварылі аб прафесійным шляху і марах.

«Мы будзем усё рабіць для дзяцей, бо дзеці — гэта галоўнае», — сказаў Прэзідэнт Беларусі Аляксандр Лукашэнка напярэдадні Новага года, падчас наведвання Мінскай абласной дзіцячай клінічнай бальніцы. Незабыўныя ўражанні і станоўчыя эмоцыі ў той дзень, напэўна, сталі найлепшымі лекамі для маленькіх пацыентаў. А ў святочную ноч у нашай краіне нарадзіліся новыя маленькія беларусы, і ўчора іх матуль ад імя Прэзідэнта віншавалі высокія дзяржаўныя асобы — што стала лагічным працягам і найлепшым пацвярджэннем нашай унутранай палітыкі і прамоўленых кіраўніком краіны слоў.