Сеткавае выданне zviazda.by

Герой тыдня. Кірыл Маскевіч — абсалютны чэмпіён Беларусі па грэка-рымскай барацьбе. Гэты тытул спартсмен, які выступае ў вагавой катэгорыі да 97 кг заваяваў у схватцы з чэмпіёнам краіны 2025 года Паўлам Глінчуком, які выступае ў катэгорыі да 130 кг. Кірыл Маскевіч з’яўляецца пераможцам Кубка свету 2020 года, сярэбраным медалістам чэмпіянату свету 2021 года і двухразовым прызёрам кантынентальных форумаў (2021-ы — «серабро», 2024-ы — «бронза»).

Новы працоўны тыдзень Прэзідэнта Беларусі Аляксандра Лукашэнкі пачаўся з перагавораў на перспектыву. Кіраўнік дзяржавы сустрэўся з губернатарам Хабараўскага края Дзмітрыем Дзямешыным. Гэтымі днямі дэлегацыя расійскага рэгіёна з візітам у Беларусі. Графік насычаны — наведванне прадпрыемстваў, перагаворы з калегамі з Магілёўскай вобласці, знаёмства з культурнымі славутасцямі Беларусі. Але найперш — сустрэча з кіраўніком дзяржавы, падчас якой былі акрэслены асноўныя вектары супрацоўніцтва.

Прэзідэнт Беларусі Аляксандр Лукашэнка ўручыў навуковым і навукова-педагагічным работнікам дыпломы доктара навук і атэстаты прафесара. Урачыстая цырымонія адбылася ў Палацы Незалежнасці, перадае БелТА.

Рабочы графік Прэзідэнта штотыдзень надзвычай насычаны. І тэмы, якім кіраўнік дзяржавы надае пільную ўвагу, самыя разнастайныя: эканоміка, бяспека, сацыяльная сфера, прамысловасць, грамадска-палітычная абстаноўка і многае іншае. Кожную тэму Аляксандр Лукашэнка вывучае дэталёва, абавязкова робіць акцэнт на праблемах, але і не забывае пра станоўчыя моманты. Ацэнкі Прэзідэнта заўсёды трапныя і змястоўныя. А даручэнні і парады — канкрэтныя.

Тыдзень таму, уручаючы уручаючы Знак якасці лепшым беларускім прадпрыемствам, Прэзідэнт Беларусі Аляксандр Лукашэнка казаў, што самымі важнымі апорамі суверэннай дзяржавы з’яўляюцца у тым ліку традыцыі гэтай дзяржавы. Тыя, якія сфарміравала само жыццё і якія ўкараніліся ў грамадскай свядомасці. Адна з такіх традыцый — уручэнне кіраўніком дзяржавы дыпломаў доктара навук і атэстатаў прафесара навуковым і навукова-педагагічным работнікам. Урачыстая цырымонія прайшла ў пятніцу ў Палацы Незалежнасці.

Традыцыйнае і вельмі важнае мерапрыемства прайшло ў Палацы Незалежнасці. Прэзідэнт Беларусі Аляксандр Лукашэнка зацвердзіў рашэнне на ахову Дзяржаўнай граніцы ў 2025 годзе. Да гэтага пытання мае дачыненне ўвесь сілавы блок краіны. Таму мерапрыемства зусім не пратакольнае.

Узначаліўшы ў 1997 годзе Нацыянальны алімпійскі камітэт, Прэзідэнт Беларусі Аляксандр Лукашэнка адной з прыярытэтных задач назваў уцягванне дзяцей і моладзі ў здаровы лад жыцця, умацаванне спартыўнага іміджу Беларусі. Для вырашэння гэтых задач былі неабходныя якасныя спартыўныя аб’екты, на якія дзяржава ніколі не шкадавала грошай. Паводле слоў кіраўніка дзяржавы, укладанні ў спорт — гэта будаўніцтва новых бальніц прынцыпова іншага віду. Так у краіне пачалося маштабнае будаўніцтва спартыўных аб’ектаў, пік якога прыйшоўся на 2004-2014 гады. На гэтым тыдні адзначаюць свае юбілеі адразу два спартыўныя аб’екты, пабудаваныя ў той перыяд і адкрытыя асабіста Прэзідэнтам.

Прэзідэнт Беларусі Аляксандр Лукашэнка таксама сустрэўся з генеральным сакратаром Шанхайскай арганізацыі супрацоўніцтва Нурланам Ермекбаевым, які ўзначальвае місію ШАС па назіранні за выбарамі.

Дэпутаты Палаты прадстаўнікоў на пасяджэнні другой сесіі прынялі ў другім чытанні законапраект «Аб змяненні Закона Рэспублікі Беларусь «Аб дарожным руху». Дакумент накіраваны на ўдасканаленне грамадскіх адносін, якія ўзнікаюць пры прадастаўленні права кіравання колавым трактарам і самаходнай машынай.

Працягваецца серыя сустрэч Прэзідэнта Беларусі Аляксандра Лукашэнкі з замежнымі гасцямі. У аўторак беларускі лідар сустрэўся з дэлегацыяй Панафрыканскага парламента на чале са старшынёй Фарчунам Зефаніяй Чарумбіра. Дэлегацыя працавала назіральнікамі на выбарах Прэзідэнта. А паколькі Беларусь актыўна пашырае сваю прысутнасць у Афрыцы, электаральнай кампаніяй размова з кіраўніком дзяржавы не абмежавалася. Тым больш, як звярнуў увагу Аляксандр Лукашэнка, гэта першы візіт такой прадстаўнічай дэлегацыі Панафрыканскага парламента ў нашу краіну.