Сеткавае выданне zviazda.by

У панядзелак члены Савета Рэспублікі правялі адзіны дзень прыёму грамадзян у Мінскай вобласці. Старшыня Савета Рэспублікі Наталля Качанава вяла прыём у Барысаве. Праблемы, з якімі звярталіся людзі да кіраўніка Савета Рэспублікі, самыя разнастайныя. Жыхароў цэнтральнага рэгіёна і не толькі хвалююць пытанні прызначэння пенсій, стан дарог, добраўпарадкаванне населеных пунктаў, жыллёвыя праблемы і многае іншае.

Яшчэ некалькі тыдняў — і пачнецца актыўны дачны сезон. Клопат не толькі саміх шчаслівых уладальнікаў лецішчаў, але і мясцовых сельсаветаў, на тэрыторыі якіх гэтыя лецішчы, дакладней садаводчыя таварыствы, знаходзяцца. Бо садаводчае таварыства — гэта не вёска і не пасёлак, гэта, так бы мовіць, «дзяржава ў дзяржаве», бо сельсавету яно фактычна не падпарадкоўваецца. У апошні час паўнамоцтвы мясцовай улады адносна садаводчых таварыстваў былі значна пашыраныя, але дасягнуць беспраблемнага суіснавання ўдаецца не заўсёды. Мы пацікавіліся непасрэдна ў старшынь сельсаветаў у розных рэгіёнах, як ім удаецца наладжваць кантакт з дачнікамі, якія нібыта і свае, а нібыта і не.

Калі гаварыць аб якасці, праверанай часам, першае, што прыходзіць на думку, напэўна, кожнаму беларусу, — Мінскі трактарны завод. Прадпрыемства з багатай гісторыяй, МТЗ сёння з’яўляецца флагманам айчыннага машынабудавання, адным з лідараў на рынках Беларусі, Расіі і іншых краін СНД па вытворчасці сельскагаспадарчай тэхнікі. Аб аўтарытэце і даверы да прадукцыі прадпрыемства гаворыць мноства ўзнагарод, сярод якіх і Дзяржаўны знак якасці Беларусі. Карэспандэнты «Звязды» наведалі МТЗ, пабывалі ў цэхах завода і пастараліся высветліць, у чым сакрэт вытворчасці трактара BELARUS; даведацца, з чаго пачынаецца якасць.

Раніцай 23 лютага каля стэлы «Мінск — горад-герой» адбылася ўрачыстая цырымонія ўскладання кветак, прысвечаная Дню абаронцаў Айчыны і Узброеных Сіл Беларусі. Удзел у цырымоніі ўзяло кіраўніцтва горада і прадстаўнікі сілавых ведамстваў краіны. Карэспандэнты «Звязды» далучыліся да слаўнай традыцыі.

Чым цікава беларуская сталіца для замежных гасцей і не толькі? Каб высветліць гэта, нядаўна, у Міжнародны дзень экскурсавода, для прадстаўнікоў дзяржаўных СМІ была арганізавана тэматычная экскурсія. Журналісты наведалі адзін з самых запатрабаваных турыстычных маршрутаў беларускай сталіцы, месца, якое, безумоўна, на слыху ў кожнага, — Верхні горад. На прэс-канферэнцыі, што была арганізавана пасля, прадстаўнікі СМІ чарговы раз пераканаліся: турыстычны патэнцыял нашай краіны з кожным годам усё больш павялічваецца.

Днямі старшыня Мінскага аблвыканкама Аляксандр Турчын правёў асабісты прыём грамадзян. Пытанняў да кіраўніка цэнтральнага рэгіёна традыцыйна шмат, прычым абсалютна розных.

Беларусь робіць захады, каб знайсці кансэнсус для ўрэгулявання ўсіх вострых пытанняў каля нашых граніц. Аб гэтым падчас брыфінгу заявіў начальнік Дэпартамента міжнароднага ваеннага супрацоўніцтва — памочнік міністра абароны па пытаннях міжнароднага ваеннага супрацоўніцтва Валерый Равенка. На брыфінг былі запрошаны прадстаўнікі замежнага ваенна-дыпламатычнага корпуса з 24 дзяржаў свету.

Тэма добраўпарадкавання стала галоўнай на нядаўнім пашыраным пасяджэнні Прэзідыума Савета Рэспублікі. На ім абмяркоўвалася роля дэпутацкага корпуса ў рэалізацыі задач, пастаўленых кіраўніком дзяржавы, па навядзенні парадку на зямлі і ўладкаванні тэрыторый. Старшыня Савета Рэспублікі Наталля Качанава адзначыла: «Асаблівую ўвагу дэпутацкаму корпусу трэба ўдзяліць мясцовым ініцыятывам па добраўпарадкаванні. Уцягванне грамадзян у гэты працэс — адна з найважнейшых задач мясцовых Саветаў. Неабходна падтрымліваць і заахвочваць грамадзянскія ініцыятывы, ствараць умовы для актыўнага ўдзелу насельніцтва ў навядзенні парадку як на асобна ўзятых прыдамавых тэрыторыях, так і ў цэлым у сёлах, гарадах, раёнах». Карэспандэнты «МС» пацікавіліся на месцах, якія грамадзянскія ініцыятывы мяркуецца рэалізаваць у Год добраўпарадкавання.

Старшыня Палаты прадстаўнікоў Ігар Сергяенка правёў рабочую сустрэчу з Надзвычайным і Паўнамоцным Паслом Рэспублікі Казахстан у Рэспубліцы Беларусь Цімурам Жаксылыкавым. На сустрэчы абмеркавалі пытанні далейшага развіцця беларуска-казахстанскага міжпарламенцкага супрацоўніцтва і іншыя важныя тэмы.

Штогод 15 лютага ў Беларусі адзначаюць Дзень памяці воінаў-інтэрнацыяналістаў. У гэты дзень у 1989 годзе апошняя калона абмежаванага кантынгенту савецкіх войскаў пакінула тэрыторыю Афганістана. Беларускі народ памятае сваіх суайчыннікаў, якія выконвалі свой інтэрнацыянальны абавязак у дэмакратычнай Рэспубліцы Афганістан. Штогод у гэты дзень ля мемарыяла Востраў Мужнасці і Смутку сотні людзей аддаюць даніну павагі і памяці салдатам той вайны.