Сеткавае выданне zviazda.by

Намеснік начальніка аддзела прававога рэгулявання і рэалізацыі жыллёвай палітыкі ўпраўлення жыллёвай палітыкі Мінгарвыканкама Таццяна Бухта расказала аб тым, як пабудаваць жыллё ў Мінску з дапамогай сямейнага капіталу, паведамілі ў БелТА.

2024-ы — год змен для беларускіх прадпрымальнікаў. У ліпені выйшла пастанова Савета Міністраў Рэспублікі Беларусь са спісам дазволеных відаў дзейнасці для індывідуальных прадпрымальнікаў і самазанятых. У выніку больш за 20 000 бізнесменаў з 1 студзеня 2026 года не змогуць працаваць у ранейшым статусе.

Героі тыдня. Хакеісты «Дынама-Мінск» упершыню ў гісторыі пачнуць выступленне ў першым раўндзе плэй-оф Кантынентальнай хакейнай лігі на дамашнім лёдзе. У заключным матчы рэгулярнага чэмпіянату «зубры» на выездзе сустракаліся з «Сочы». Вынік матча 6:2 — на карысць мінскіх хакеістаў. Такім чынам, за 68 тураў мінчане набралі 86 ачкоў і занялі чацвёртую пазіцыю ў табліцы Заходняй канферэнцыі. Першым сапернікам «Дынама-Мінск» у першым раўндзе Кубка Гагарына стане маскоўскі ЦСКА, які фінішаваў пятым. Каманды сустрэнуцца на «Мінск-арэне» 26 і 28 сакавіка. Далей каманды пераедуць у Маскву, дзе сустрэнуцца 30 сакавіка і 1 красавіка. Пры неабходнасці матчы з пятага да сёмага адбудуцца 3 красавіка (Мінск), 5 красавіка (Масква) і 7 красавіка (Мінск).

Намеснік начальніка аддзела прававога рэгулявання і рэалізацыі жыллёвай палітыкі ўпраўлення жыллёвай палітыкі Мінгарвыканкама Таццяна Бухта расказала, як стаць на ўлік маючых патрэбу ў паляпшэнні жыллёвых умоў і пра ўсе нюансы гэтага працэсу.

Мэта міжведамаснага мерапрыемства — прадухіленне гібелі людзей ад пажараў і іншых знешніх прычын. Акцэнт у ходзе акцыі будзе рабіцца на абследаванні супрацьпажарнага стану домаўладанняў адзінокіх і адзінока пражываючых пажылых грамадзян, інвалідаў, сем’яў, у якіх дзеці знаходзяцца ў сацыяльна небяспечным становішчы. З імі правядуць тлумачальную работу аб важнасці выканання правілаў пажарнай бяспекі. Акрамя таго, грамадзян праінфармуюць аб агчымасцях дзяржаўных арганізацый па аказанні паслуг.

Пачалася актыўная работа па падрыхтоўцы Мінска да запланаваных святочных мерапрыемстваў. Асноўнай падзеяй гэтага года стане святкаванне Дня Перамогі і Дня Незалежнасці. Канцэпцыя афармлення горада сфарміравана, і цяпер ідзе яе ўвасабленне ў жыццё. У майскім афармленні сталіцы будзе пераважаць чырвона-залатая каляровая гама, якая сімвалізуе Перамогу, расказала намеснік дырэктара КПУП «Мінскрэклама» Марына Грыцава.

Сёння — дзень Хатынскай трагедыі. Адна з тых жалобных дат, якія не лечыць час. Колькі б гадоў ні мінула — боль не сціхае. І сэрца ў гэты дзень рвецца ад болю і імкнецца ў Хатынь. Каб папрасіць прабачэння ў тых, хто згарэў у тым страшным полымі, каб успомніць іх пайменна. Каб чарговы раз паклясціся ім і самім сабе, што зробім усё, каб ніколі больш «у віхуры пажараў жыццё не ўмірала»...

Лясная гаспадарка ў нашай краіне — галіна рэальнага сектара эканомікі, якая дынамічна развіваецца і вырашае найважнейшыя задачы аховы, абароны лясоў, рацыянальнага выкарыстання рэсурсаў, забяспечвае эканамічную, экалагічную і вытворчую бяспеку краіны. З боку кіраўніка дзяржавы ёй заўсёды ўдзялялася шмат увагі, паколькі Беларусь уваходзіць у дзясятку самых лясных дзяржаў Еўропы і, як неаднойчы падкрэсліваў Прэзідэнт, лес — гэта багацце, якім мы павінны рацыянальна і ашчадна карыстацца.

«За ўсё, што ёсць у маім жыцці, я ўдзячны баскетболу. Я ўпэўнены і не сумняваюся, што шмат хто са мной пагодзіцца: не мы выбіраем баскетбол, а ён — нас», — кажа вядомы баскетбаліст, а сёння трэнер Андрэй Клемезь. Выбраўшы яго, баскетбол сапраўды не памыліўся. Андрэй Клемезь выступаў за нацыянальную зборную, пасля трэніраваў моцны БК «Гарызонт», лідара жаночага нацыянальнага чэмпіянату. А сёння спецыяліст трэніруе мужчынскую зборную U-14, створаную на базе Рэспубліканскага дзяржаўнага вучылішча алімпійскага рэзерву. Адметна, што менавіта ў гэтай установе ён пачынаў свой спартыўны шлях. Аб ролі вучылішча ў выхаванні новага пакалення спартсменаў і аб асаблівасцях трэнерскай працы Андрэй Клемезь распавёў «Звяздзе».

Калі прывык сачыць за гастролямі: хто прыязджае ў Беларусь і што прывозіць, — то будзеш гэта рабіць, незалежна ад таго, што першачарговая ўвага на айчынны творчы прадукт. Бо як ні круці, але па тым, што прапануе сёння культура, можна меркаваць пра ментальны стан людзей, сярод якіх жывеш. А гастролі — яшчэ і ўдакладненне нейкіх грамадскіх кірункаў праз культуру. Адзначце: у сакавіку 2025-га па гарадах Беларусі пройдзе гастрольны тур Луганскага акадэмічнага музычна-драматычнага тэатра імя М. Галубовіча з рок-операй «Распятае юнацтва», якая прысвечана гісторыі «Маладой гвардыі». Паказы прымеркаваны да — 80-годдзя Перамогі, 23 сакавіка праект пакажуць на сцэне «Белдзяржфілармоніі».