Сеткавае выданне zviazda.by

Праграма ААН па дасягненні Мэт устойлівага развіцця супадае са шляхам, якім ідзе наша краіна. Аб гэтым расказаў намеснік старшыні Савета Рэспублікі, нацыянальны каардынатар па дасягненню Мэт устойлівага развіцця Сяргей Хаменка ў час наведвання з прадстаўнікамі агенцтваў ААН у Беларусі Магілёўскай вобласці. Дэлегацыя прыняла ўдзел у V Магілёўскім рэгіянальным форуме па ўстойліваму развіццю, перадае БелТА.

Прэзідэнт Беларусі Аляксандр Лукашэнка 9 красавіка падпісаў Дырэктыву № 12 «Аб рэалізацыі асноў ідэалогіі беларускай дзяржавы», паведамілі ў прэс-службе беларускага лідара.

Шэраг задач, якія Старшыня Палаты прадстаўнікоў Ігар Сергяенка паставіў перад парламентарыямі і супрацоўнікамі Сакратарыята Палаты прадстаўнікоў, звязаны з узмацненнем выканальніцкай дысцыпліны (у адпаведнасці з Дырэктывай Прэзідэнта № 11). Акрамя таго, абмеркаваны прапановы аб абнаўленні Дырэктывы Прэзідэнта ад 31 снежня 2010 года № 4 «Аб развіцці прадпрымальніцкай ініцыятывы і стымуляванні дзелавой актыўнасці ў Рэспубліцы Беларусь». Асобная ўвага на пасяджэнні была нададзена вывучэнню практыкі прымянення заканадаўства і ўзаемадзеяння з мясцовымі органамі ўлады, стварэнню Маладзёжнага савета пры Палаце прадстаўнікоў. Падрабязна абмеркаваны мерапрыемствы з удзелам дэпутатаў як унутры краіны, так і на знешнім контуры.

У Беларусь з афіцыйным візітам прыбыў прэм’ер-міністр Пакістана Шахбаз Шарыф.

Наступнае свята хлебаробаў — абласныя «Дажынкі» на Міншчыне — пройдуць у адным з самых старажытных гарадоў нашай краіны, горадзе-музеі пад адкрытым небам — Заслаўі. І, здавалася б, да восені яшчэ ёсць час, работы па падрыхтоўцы горада да святкавання абласных «Дажынак» набіраюць тэмпы ўжо сёння. Пасля комплекснага добраўпарадкавання перад горадам будуць стаяць адказныя задачы: з размахам правесці фестываль-кірмаш і на сваім прыкладзе паказаць, якой павінна быць сталіца Мінскай вобласці. Для таго, каб пракантраляваць падрыхтоўку да абласных «Дажынак», у аўторак было арганізавана пасяджэнне штаба. Удзел у яго рабоце ўзяў старшыня Мінскага аблвыканкама Аляксей Кушнарэнка. Карэспандэнт «Звязды» далучыўся да адказнай нарады і пастараўся высветліць, чым будзе здзіўляць жыхароў і гасцей горад Заслаўе падчас святкавання галоўнага свята хлебаробаў.

Форум, у якім, як плануецца, возьмуць удзел прэзідэнты Беларусі і Расіі, адбудзецца ў канцы красавіка ў Валгаградзе. Колішні Сталінград па праве лічыцца горадам-сімвалам Вялікай Перамогі: тут адбылася легендарная бітва, якая змяніла ход Вялікай Айчыннай вайны. Па колькасці беззваротных страт Сталінградская бітва стала адной з самых крывавых у гісторыі чалавецтва. Тут савецкі народ даказаў усяму свету, што перамагчы яго немагчыма. Аб гэтым, ужо праз 80 гадоў, будуць казаць і нашчадкі пераможцаў, якія свята захоўваюць памяць аб тых падзеях.

Як расказаў дырэктар ДУ «Сталічны транспарт і сувязь» Юрый Супрановіч, да канца 2025 года плануецца ўкараненне сістэмы аплаты праезду ў наземным транспарце з дапамогай банкаўскіх картак: «Мы спадзяёмся рэалізаваць у бягучым годзе магчымасць аплаты праезду банкаўскай карткай на наземным транспарце. Гэта звычайная зарплатная картка, якой чалавек зможа карыстацца без дадаткаў», — растлумачыў спікер.

Прэзідэнт Беларусі Аляксандр Лукашэнка назначыў генерал-маёра міліцыі Аляксандра Астрэйку начальнікам Акадэміі Міністэрства ўнутраных спраў. Адпаведны ўказ кіраўнік дзяржавы падпісаў 8 красавіка, паведамілі БелТА ў прэс-службе беларускага лідара.

Прэзідэнт Беларусі Аляксандр Лукашэнка 8 красавіка падпісаў указ № 144 «Аб узнагароджанні вымпелам «За мужнасць і стойкасць у гады Вялікай Айчыннай вайны». Пра гэта БелТА паведамілі ў прэс-службе кіраўніка дзяржавы.

Прэзідэнт Беларусі Аляксандр Лукашэнка даў інтэрв’ю міждзяржаўнай тэлерадыёкампаніі «Мір». Гутарку з беларускім лідарам правёў старшыня МТРК «Мір» Радзік Батыршын. Журналіста цікавіла меркаванне Аляксандра Лукашэнкі па шырокім спектры пытанняў: ад унутранай палітыкі Беларусі да пазіцыі кіраўніка дзяржавы па пытаннях міжнароднага парадку дня. Пагаварылі пра самыя актуальныя тэмы: бяспеку ў рэгіёне, сакральны сэнс 80-годдзя Перамогі ў Вялікай Айчыннай вайне, інтэграцыйнае ўзаемадзеянне. Аляксандр Лукашэнка шчыра адказаў і на пытанні асабістага характару.